افطرت؟ حياك مجلسنا [الأرشيف]

تكـــــانة

08-31-2009, 04:32 PM

بسم الله الرحمن الرحيم
السلام عليكم ورحمة الله وبركاته

افطرتوا؟ هني وعافية
الله يتقبل صيامنا وصيامكم جميعاً ويكتب لنا الأجر والخير في شهر الخير

طيب انا عازمتكم على شاي وسمبوسة ونسولف كلنا مع بعض
اقول الجنان .. شلون كان يومك؟ شلون كان الدوام ووش افطرت؟ اي خبرنا من سواليفك
شمالي مساء الخير .. اشوفك ودك تنام بعد ماافطرت صحصح وخبرنا وش صار معك مواقف اليوم
الجوري وش طبختي اليوم وكيف كانت الطبخة
ام السعف خبرينا عن يومك
وش فيكم يالربع تكلموا قولوا ودنا نسمع

هذا الموضوع عبارة عن كل واحد بعد مايفطر يدخل ويكلمنا عن يومه وشلون كان
يعني اهو مجلس نسولف فيك
واحد يقول مواقف صارت له
واحد يقول لنا حكمة
واحد نصيحة
واحد يقول لنا طبخة

وكذا يعني نسولف مع بعض

اشرايكم؟
ترى ان ماعجبكم احذفه ها!! هههههه

يعطيكم العافية

الجــــــوري

08-31-2009, 07:06 PM

تكانه

موضوع حلووو

بالنسبة لي اليوم انا ماطبخت اي شي

لان اليوم عازمة نفسي انا وولدي عند اهلي

هههههههههه وخليت زوجي يروح بيت اهله خخخخخ ( اليوم مالي خلق له )

فقضيتها نومة بس اقوم اصلي وارد انام

ووقت الفطور افطرت على قهوة عدلت مزاجي فيها بس وقمت

صليت المغرب واقلب القنوات ماكو شي

بس هذا يومي

ابوسالم

08-31-2009, 10:42 PM

موووضوع حلو والله

وبصراحه انا قمت العصر وصليت وبعدين رحت البر اطعس شوي وبنشر الكفر علي

وصلحته وانا راجع للبيت دقت علي امي قلت ارجع للدكان ((البقاله ) وجب معك

قشطه ولبن بس انجز (( يعني اخلص )) ويوم اذن افطرت تمر وقهوه وبعدين صليت

وبعدين افطرت وتابعت طاش وبعدها ضربت اخوي الصغير اطقطق عليه وبدين رحت الدوام

ووصلت متأخر والريس زعلان وسمعني كم كلمه وبعدين فتحت النت و فتحت موقع الجنان

ولقيت موضوع حلو من عضو مميز واعجبني ورديت عليه وسلامتكم ...((((ههه)))

وان شاء الله ماكون ثقلت علاااااكم ولا طووووووولت هع هع هع

ام السعف والليف

09-01-2009, 02:38 AM

وعليكم السلام والرحمه ياحلوه

موضوعك زوين يامال العافيه

اخذي مني يومي كان حافل عجزت انام بغيت ابكي واصحي هاللي نايم بس تعوذت من الشيطان قمت وجلست على النت لحد الساعة 10 قلت خلني احاول انام نمت لحد 1 وصحيت صليت الظهر وسيده على المطبخ الشغالات محضرين الاغراض بس التصليح ماكو انتهينا من الفطور حطيناه اذن افطرت على شوربه وسيده صليت المغرب ونمت على السجاده صحيت العشاء صليت وطلعت اجيب عبايتي مع اني مقرره مطلع لمكان ابد بس فصلتها وقال ماتطلع الا بعد اسبوع ومارحت له الا بعد اسبوعين شفتي الهمه اللي فيني رجعت البت جلست اكلت لي شيء وسوالف وهذره وخشيت النت الحين وبس احس ابي انام بس مافيه لين اصلي الفجر على خير وشكلي باكل بندول نايت
على فكره حاطه جدول للصغار اللي يصير عاقلا احط له نجمه والكسلان احط له اكس وبنهايه الشهر راح اعطي احسن واحد فيهم جائزه مع انهم كلهم بياخذونها مايطاوعني قلبي اخليهم بالذات الصغيره ماتدري وين الله حاطها تقولي صح انا شاطره صح اقولها ايه ماما وهي الشطانه طالعه من كشتها جعلها الصلاح

تكـــــانة

09-01-2009, 09:56 AM

هلاااااا بيكم كلكم

والله حلو الواحد يشوف ايش سويتوا وكيف كان يومكم
وناسة يوم اني اشوف رديتوا علي
ويعطيكم الف عافية كلكم
خلوني افطر بس واجيكم المجلس اقول لكم وش سويت
وانتوا خبروني ايش سويتوا اول ماافطرتوا
واللي عنده شي يفيدنا به (حكمة .. حديث .. شعر .. قصة ) اي شي بخاطركم .. قولوه لنا
وانا راحية اصلح لكم شاهي يعجبكم :d

الله يتقبل صيامنا جميعاً

الجــــــوري

09-01-2009, 07:40 PM

تكانة

انا مااحب الشاي.....!:::02:::
انا اليوم ماافطرت مالي نفس كلش معدتي تعورني ومالي خلق اكل :(
ورحت ع طول للقهوة شربت منها وااايد احس تعدل مزاجي شوي
هههههههه وسبحت ولدي ونظفته وخليته يروح مع خواله للمسجد ( فديت خشته انا ):)
وانا قعدت انقز من قناة لقناة ابي شي حلو ماكو
وعقبها جننت بنوتة اختي شوي حستها حوس
تصدقون اشتهيت اكل وجبة من ماكدونلدز .... ( يبيله ):p

يالله باي بروح اكل لاني ما فطرت

بايوو

ام السعف والليف

09-02-2009, 01:53 AM

هاي قايز هاي بويز

ومشكوره تكانه على الشاي وانا بصراحه مشربش شاي عندتس كافي

المهم كالعادة الفطور شوربه وبس بعد العشاء سويت خلية نحل ودخلتها الفرن وماطلعت لاحد مالي نفس اطلع وبس
يوه بروح اشوف الفرن لايحترق اللي فيه ويصير اللى حاطه شمالي صح ويجلس يضحك علي

سي يو

ابوسالم

09-02-2009, 03:43 AM

ههههههههههههههههههههه اشم ريحة حريقه

ام السعف والليف

09-02-2009, 04:05 AM

لا ابشرك تلاحقنا عليها وطلعت بسلام والله لو متأخره عليها دقايز كان صارت بخبر كان بس ربي ستر

الجــــــوري

09-02-2009, 04:30 AM

هههههههههههههههههه

سعوفة بغيتي تضحكين علينا العذال الله يهداج

زين لحقتي عليه ديري بالج ثاني مرة

ابوسالم

09-02-2009, 04:34 AM

خلاااااااص ضحكناااااااااا وفطسنا من الضحك

ههههههههههههههههههههههههههههه
ههههههههههههههههههههه
ههههههههههههههه
ههههههههه
هههه

قايلكم لو نطبخ نحن يامعشر الجال كان سوينا هوايل ههههههههههههه

الجــــــوري

09-02-2009, 04:36 AM

اي هوايل صحيح

هوايل + بلاوي

تصير خلطة حدها مو صج

الله يستر من بلاويكم

هههههههههههههههههههههههههههههه

ابوسالم

09-02-2009, 04:40 AM

بلااك ماجربتي طبخات الرجاااااااااال وخاصه الطبخات البريه

صدقوووني لو تعطونا فرصه كان كل الحريم يحبووونا حب ماله وصف

انا اذكر اني طبخت طبخه بالبر وعطيت جيرانا من طبختي بس المشكله

انهم ماعطوني رايهم بالطبخه والغريب انهم رحلووا من عندنا سبحان الله مادري ليه...!!!

تكـــــانة

09-02-2009, 05:19 AM

شمالي اسكت بس :p
قال جربوا طباخي قال

اقول ماخبرتنا عن يومك وشلون كان فطورك ؟ تأخرت عن الدوام بعد والا لا؟

الجــــــوري

09-02-2009, 05:24 AM

اكيد تكانه كالعادة

تأخيييييييييييير × تأخيييييييييييييييييييير

تكـــــانة

09-02-2009, 08:20 AM

هههههههههههه

آسفة يوخيتي بس الكبر شين وماعدنا مثل قبل نمشي زين

طبعا انا بقول لكم عن يومي امس

امس الله يسلمكم قعدت الساعة 1 الظهر ورحت للعلة (الدراسة) ورجعت البيت الساعة 4 ونص وانا جوعانة انتظر متى يأذن وانا احلم بالفطور اللذيذ
عاد قعدت احوس بالنت شوي فتحت ايميلي ولقيت صدمه ياسااااااااتر
لقيت ايميل يقولون انهم قدموا الامتحان وصار بكرة اللي هو اليوم وراحت احلامي بالفطور وامسك الاوراق واقعد ادرس
وبسرعة افطرت على رز ولحم بسرعة بسرعة وارجع للأوراق مافييييي وقت
لكنه مقلب محترم
اليوم قلت ابطلع حرتي باااااكل وباااااكل وبطالع مسلسلات وبجيكم للاستراحة بعد
انتظركم اليوم زييييين

الجــــــوري

09-02-2009, 10:18 PM

اما انا اليوم

رحت الدوام وطلعت مبجر ( بدري )

لان وهقوني وسلموني مجموعة متدربين ومتدربات عندهم ميداني

وانا بروحي مالي خلق والله يعين شوي وابجي مع العلم اني اعترضت لكن قالوا محد يفهم بتخصصهم الا انتي >>>> ياقردي

وتعرفت على المتدربين والمتدربات وتناقشنا ونشف ريجي ( ريقي ) وانا اتكلم وهم مايوقفون عن الاسئله سؤال ورى سؤال علوا قلبي

وواحد من المتدربين قال تدرين انا مستانس ان بنت مسؤولة عن تدريبنا

جان اتذكر ع طول الشمالي واخزه واوريه العين الحمرا وقلت له بس انا ماعندي يمه ارحميني الانضباط ثم الانظباط

ورجعت البيت ادور النومة والا ولدي الله يخليه يدور احد يلعب معاه

وقطيته على خواله ونمت

وقعدت وكالعادة قهوة وقمت اسوي برنامج التدريب للمتدربين اللي عندي وخلصت منه ودشيت للمنتدى

وهذا يومي

ابوسالم

09-03-2009, 12:31 AM

ههههههههههههههههههه

والله لو اني متدرب عندك جان اخليك تعتزلين التدريب وتقعدين بالبيت

ههههههههههههههههههههههههههههههههههههه

ام السعف والليف

09-03-2009, 04:20 AM

احم احم اليوم انا افطرت بالمزرعه بس ماكلت الا بعد الصلاة مو متعوده حسيت انه جاني تخمه
طبعا كنا كثار ماشاء الله بارك الله بغيت اصور الجبال والطعوس على الطريق واحطها اهداء لشمالي بس هونت كنت اطالع القمر واقولهم شوفوني بغيت اتسطر
بصراحه كان الجو رايق وجميل وعليل بعد ماشاء الله براد وش زينه رجعت على الساعة 11 ونص تقريبا ونطيت بوجيهم هون بالنت وسلامتكم

جوري ليتني متدربه عندك كان اشيل عنك شوي واخفف عنك

ابوسالم

09-03-2009, 04:33 AM

ياووويلي يام السعف والله احلى فطووووووووووووووووووووووووور

وليه ماعزمتيني

يالخايسه وليه ماصووورتي المنظر والله قهرتيني الله يرجك

ام السعف والليف

09-03-2009, 04:44 AM

الحمد لله لقيت شيء يقهره يالدب احسن

تكـــــانة

09-03-2009, 04:59 AM

حركات مدربة الجوري
ويا ام السعف بالعافية واهم شي انبسطتي

على فكرة ابي اقول لكم ان انا مااعرف شلون اتأقلم مع الوقت لأن فرق التوقيت بيني وبينكم 7 سبع ساعات
الحين عندي الظهر وانتو عندكم الفجر
يعني انتو توه اليوم بادي عندكم وانا مخلص
علشان كذا تلاحطوني ادخل واكتب عن يومي امس وانتو تكتبون عن يومكم اليوم

شمالي ماقلت لنا وش افطرت؟

ام السعف والليف

09-03-2009, 05:01 AM

افطر اكيد على عكرت ضب

تكـــــانة

09-03-2009, 05:09 AM

يقال له حلو ذقتيه؟

ابوسالم

09-03-2009, 05:11 AM

ام السعف خليك بسعفك وليفتك بس مالك شغل بفطوووري

تكانه انا افطرت سمبوووسه وشوربها وثريد

واليوووم ابي افطرررر في البر على الطعسسسسس

والله قهرتني السعفه اليابسه

ام السعف والليف

09-03-2009, 05:14 AM

مجنونه اكل هالاشياء اشوفها بس

ام السعف والليف

09-03-2009, 05:14 AM

شمالي كل يوم بقهرك على هالحال

ابوسالم

09-03-2009, 05:16 AM

:::02:::

:::02:::

:::02:::

تكـــــانة

09-03-2009, 05:17 AM

ثريد ياسلام على الثريد
بالعافيه شمالي
اقول بعد رحت الدوام متأخر؟

ابوسالم

09-03-2009, 05:22 AM

هههههههههههههههههههههههههههه

ايه

ام السعف والليف

09-03-2009, 05:24 AM

شكلك كسلان ونومك ثقيل

تكـــــانة

09-03-2009, 05:25 AM

هههههههههههههههههه

الله يعين مديرك

الجــــــوري

09-03-2009, 05:26 AM

تكانة الحين تأكدت تأكيد كامل منو انتي خخخخخخخخخخخخخخ انتي فضحتي نفسج بزيادة

وسعوفة اتمنى انج تكونين معاي بالتدريب لكن ماتكونين متدربة لان الله يعين المتدربين والمتدربات والله يتعبون نكرفهم كرف علشان يتعلمون نظام الشغل وسياسة الوزارة
ولموظف اللي معاي يعني مساعد مدرب نذل الله يعينهم لان راح يمسكهم عقبي لان انا ولادتي قربت ادعوا لي الله يهون علي المهم وهذا يمشي اللي يحبه قلبه يعني البنات بيمشي اللي بتعطيه وجه والباقي الله يعينهم يعني تقيمهم راح يكون فيه ظلم
بس انا بعطيهم تقييم اولي علشان مايقدر يسوي شي لان انا المدربة واهو مشاعد مدرب

<<<<<< والله شي ياحلوي

شمالي لو انا مديرتك جان ضبطتك عدل اخليك تجي قبل الدوام بساعة

خخخخخخخخ

ام السعف والليف

09-03-2009, 05:28 AM

الله يهون عليك جووووووووووري ويسهل عليك
اي بطني حسيت بك

تكـــــانة

09-03-2009, 05:29 AM

ليش فضحت نفسي

الله يسهل عليك ان شاء الله

الجــــــوري

09-03-2009, 05:32 AM

لان تأكدت وعرفتج تكانة اقصد ...............

تكـــــانة

09-03-2009, 05:35 AM

هههههههههههه

الجــــــوري

09-03-2009, 10:21 PM

واليوم

امممممممم رحت الدوام كالعادة الساعة 8 ونص وقعدت شوي مع المتدربين وبعدها استأذنت لان عندي موعد بالمستشفى تعرفون سوالف السونار وخرابيط المستشفى المهم تطمنت على صحة جنيني وطلع خوش ولد ورحت ع طول للبيت دايسة 120 طبعا هاذي عندي السرعة القصوى لان اخاف اسوق اكثر من جذي ونمت شوي وقمت ابي اسوي فطووور وسنعت الفطور الحلو صنع ايديا وحياة عنيا وافطرنا والحمدالله ونمت وانا قاعدة ع طاولة الاكل شكلي يضحك خخخخخخخخخخ وبعدها قعدت ومخمخت بالقهوة <<<< مدمنة قهوة
ورحت لاهلي علشان اجيب ولدي اللي ناكرني مايبيني بس يبي خواله مدري ساحرينه خخخخخخخخخ وقعدت اسولف مع الناس ورحنا السوق تعرفون احنا بالكويت عندنا سوالف القرقعان واليوم بدا عندنا وانا مو مسوية شي حق القرقعان واشتريت وضبطت الشغل تبع القرقعان علشان اوزعة على حبايبي باجر لان اليوم مايمدي اهو عندنا يبدا من 13 رمضان لـ 15 رمضان

تبون قرقعان غنوا حق ولدي وقولوا سلم احمد يالله خله لامه يالله

خخخخخخخخخخخخخخخخخخخخخخ

ام السعف والليف

09-04-2009, 02:49 AM

سلم ولدهم يالله خله لامه يالله

<<<< تبي تقرقع معهم

جوري حركات مسويه قريقعان صوريه وحطيه شنو حطيتي

تدرين انا رحت البنك اخلص اشغال لي خشيت واستقبلوني وتفضلي هنا واجلس جت الفلبينية وعطتني قريقعان ويمكن لو ماكنت صايمه عطوني قهوه وشاهي واطالع لين التشكيله اللي فيه حلاو بقر وعلوك وش بعد يارب حلاوة بولي كم حبه وحلاوة اتوقع تمر هندي وقمر الدين وش بعد سبحه وحلاوة مربعات رجعت البيت استقبلتني البنوته الحلوه الجميله واخذته بقي لي السبحه والحمد لله يعني لو كانت حلاوه اتوقع ماتخليها لي بسم الله عليها

انتم كذا تسوون والا كيف ؟

بدون اسم

09-04-2009, 04:52 PM

طيب انا اتكلم عن الـ 13 يوم اللي راحوا ولا بس امس..؟!

هع هع

خلاص بتكلم عن امس

طبعا بعد الفجر جلست مع اخواني وعيال اخواني الين الساعة سبعة نهرج ونتكلم عند الباب وطلعت حطيت راسي على طول ونمت الين الظهر .. صليت وكنت بودي اهلي السوق شفتهم نايمين قلت احسن وانا كمان رجعت كملت نومي..
صحيت العصر وطبعا مافي مفر من الحريم ووديتهم السوق شويتين ورحت اشتريت فطور وعصيرات وطلعنا الهدا فطرنا هناك وصلينا المغرب ورجعت عالعشا..
وبعد العشا كان عندنا (( عزا )) الله يبعد عنكم كل مكروه
والين الساعة وحدة وانا هناك..
رجعت البيت غيرت ملابسي وطلعت لعبت كورة مع اصحابي ورجعنا الساعة تلاتة اتسحرت وجلست اشرب ببسي وموية الين الفجر وبعد الفجر كالعادة جلسة عند الباب مع اخواني وعيال اخواني واخواتي للساعة سبعة

ونوووووووووووووووووووم العوافي ان شاء الله ^_^

طبعا عارف انو كلامي تقيل بس طفشان ومافي احد افضفضلو غيركم

هع هع

يللا استنوني في يوميات تانية ان شاء الله... ^_*

ابوسالم

09-04-2009, 11:05 PM

كلامك عسل ياعسل

وبعدين بدون انت ساكن مكه ولا الطايف ...........................!!!!!!!

ام السعف والليف

09-05-2009, 01:22 AM

اليوم افطرت بس شوربه مع كوبايه عصير ادري مافيه تناسق بس ولناس فيما يعشقون مذاهب طلعت غرفتي صليت المغرب وكنت مهدوده نمت على السجاده كالعاده طبعا قبل الاذان قمت واستنيت الاذان صليت ونزلت وجلست العب مع الصغار ازعجوني الله يصلح قلبهم وتوني طلعت ابي الفكه من ازعاجهم والحمد لله خلص يومي بقي السحور بعدين الصلاة وبعدها النومه بإذن الله

الجــــــوري

09-05-2009, 12:12 PM

اما انا بالنسبة لامس

ماكنت فاضية رحت قبل موعد الفطور بـ ربع ساعة لبيت اهل زوجي افطر عندهم حجه بحاجة انا مو فاضية وقلت ازورهم اشوفهم;)<< ياخطيرة ضربت عصفورين بحجر
وبعد الصلاة رحت للمكتبة علشان اجيب بعض الشغلات حق برنامج التدريب تبع المتدربين
وعقبها رحت زوارة انا والحبيب احمد ولدي الله يحفظه ونوزع القرقعان على رفيجاتي ( صديقاتي ) واهلي
وبعدين رديت البيت مهدود حيلي ونمت انا وولدي وسحبتها نومه لصلاة الفجر طبعا ما تسحرت

سعوفة القرقعان صار مو مثل اول تطورت الحلويات صارت الحلويات جديدة مو مال اول يازين ايام اول

اما اليوم

داومت ودربت وسلمت بعض الصلاحيات للمتدربين وقبه ( يعني نحشه ) طلعت من الدوام لان تعبانة من الشغل ورديت البيت والله يازين البراد يهبل وانا اركض على السرير ابي النومة

وفجاءة تذكرت اني امس مادشيت المنتدى وشفتكم ياحلوين ولا تحرشنا بمشمش خخخخخخخخخخخخخخ:::02:::ياويلك ان قلت لا تقولين مشمش انا كيفي

ولنا لقاء في يوميات عضو

ام السعف والليف

09-05-2009, 07:43 PM

ماشاء الله بارك الله جوري ليتك صورتي قرقيعان ولدك علشان اسويه عيادي
<<<< ماتبي تفكر وش تحط لهم تبي شيء جاهز

بدون اسم

09-05-2009, 08:33 PM

شمالي..

انا في كل مكان تلقاني ^_^

لا انا في الطايف بس اغلب وقتي في مكة وجدة عشان اهلي اكترهم هناك

وفي الطايف بيت ابويا الله يرحمو.. وطبعا انا واخويا ساكنين دحين

تكـــــانة

09-14-2009, 07:55 AM

حياكم الله من ملفاكم لملقاكم < مادري صح والا لا؟

المهم حياااااااكم المجلس
وينكم من زمان مازرتونا

اقول شمالي وين قهوتك مثل ماعودتنا عليها صب لنا الله لا يهينك

شخباركم وش العلوم؟

الجــــــوري

08-11-2010, 10:18 AM

اليوم ان شاء الله بنقول يومياتنا الرمضانية
بعد الفطور ونقول شنو اكلنا وشنو سوينا

بعد الفطور نبي نشوف يومياتنا

نايف البدري

08-11-2010, 12:34 PM

إن شاء الله أختي الجوري بس اللي مداومين يعبروون أكثر لأنهم تعبوا أحسن من الناس اللي نايمه طوول النهار بس . هههههه

تحياتي للجميع ,,

حنين الأمس

08-11-2010, 11:50 PM

اللهم إني كنت صايمة<<<طيب
يازين النوم إذا مافي دوام ياسلام بس شغل البيت عند الدوام حلو :mda: :smile:
المهم يومي كان حافل ولله الحمد..
بعد السحور صليت ثم نمت وصحيت لصلاة الظهر وبدأت الصراع في المطبخ قصدي العمل الدوام الشغل <<سموه اللي تبون تسمونه <<احلفي
انتهيت من الطبخ والنفخ عند آذان العصر <<ماشاء الله هههههه
ثم تخلصت من روائح المطبخ الزكية وبدلتها بروائح العطور<< ترى الجوري ماقالت بالتفصيل الممل :eek:
المهم صليت العصر وذكرت ربي ومانسيت إني اثري يومي بقراءة القرآن الكريم ,,,راكان لجني "متى يأذن المغرب؟ متى قلت تراك لجيتني " جوعان يابعد حيي ,,وأذن المغرب طبعاً مجهزة القهوة والتمر وقشطة المراعي والموية افطرنا وصلينا بعدها تابعنا طاش ماطاش مت ضحك ,,بعدها وضعنا الفطور "شربة,سمبوسة,لفائف التونة,صينية رز باللحمة ,مكرونة,وحلا السنكرس" وعلينا بالصحة والعافية تفضلوا حياكم الله
طبعاً كنت بسوي مطبق هاوشتني شغالتي قالت خلي بكرة هزا يكفي قلت لها طيب بكرة بكرة هههههههههههههه.."ياحليلها"
ثم سولفنا وونستنا بباب الحارة ,,وسكتت شهرزاد عن الكلام المباح .....
يالله ننتظر يومياتكم مو بس انا احتسي واعلم باحداثي <<ام الأحداث
يالله الحين بروح لأهلي مع السلامة

الجــــــوري

08-12-2010, 10:15 AM

حنونة يعطيج العافية

اما انا

رجعت من الدوام 1:30 بالضبط انا بالبيت
على ماحست شوي الا الساعة صارت 2 غطت عيني تقريبا بو نص ساعة .
الساعة 3 قمت احوس بالمطبخ
<<< حده مو لايق
سويت مطبق دجاج , وشوربة , ورق عنب , وفته شامية , وثلاث انواع من السلطة , المهم خلصت الساعة 6 وربع وبسرعة حطيتهم بالسيارة وبسرعة البرق لبيت اهل زوجي لازم اول يوم نفطر عندهم وفشله ادش البيت وايدي فاضية ,,
لما دشيت وبو احمد ربي يحفظه شاف شنو محمله معاي استانس واااايد احس ان قاعد يقول لخوانه هاذي الحريم
<<< لا تصدقين نفسج
المهم حطينا الاكل وتفطرنا على لبن وتمر اما انا على طول كوب ماي وبعدها القهوة وقمنا صلينا وردينا افطرنا بعدها
وبعدين ناس راحت تسدح تريح وناس يقلبون بالتلفزيون وناس يسولفون لما جاء وقت صلاة العشاء كل من راح لبيته جانهم حريم
والرجال للمساجد طبعا انا ماصدقت اطلع الا بسرعة لبيت اهلي اشوفهم واشوف شنو طابخين
خخخخخخخخخخخخخخخخخخ

<<< ماتعبتي

حنين الأمس

08-13-2010, 04:45 AM

اليوم اليوم .... اليوم يا الله ياليوم ,,,يكفي انه يوم من رمضان ...
صليت الظهر ذكرت الله قر أت ماتيسر من القرآن الكريم ,,اهم شي مايضيع وقتنا في الطبخ والنوم ,,,
سويت أكلات لحبيب ألبي " ابو راكان" ولأطفالي ...أذن العصر صلينا قرأت ماتيسر من كتاب الله ,,,جعلت فترة لذكر الله ,,,جهزت القهوة والتمر كالعادة اذن افطرنا "طبعاً ابو راكان ابوه وامه متوفين الله يرحمهم " واخوانه كلهم متزوجين ,,لذا نفطر في بيتنا ,,,,طبعاً "طاش ماطاش" واهم شي ضحكت هههههه ,,,ثم حضرت السفرة "شربة ,مكرونة,لفائف التونة"بيحبها راكانا",مطبق,صينية توست بالدجاج ,سمبوسة,حلا " بعدها نتنت "فتحت النت ,,, شوي اذن العشا صليت وثم اتفقت انا واختي ورحنا لخوالي نزور تيته ههههه"قصدي جدتي" ثم عدنا وركبت السحور ...طبعاً اليوم كنت زعلانة على راكان مو جد بس كذا ولجني يايمه سامحيني وانا اصدق حالي إني زعلانة بجد واقول له روح بس عني ,,,إلى إن تاب مايعاود اللي سواه أمس...طبعاً اليوم ميته ضحك عليه لقيت صحن حلا مأكول طبعاً مافي غيره ,,,وعامل فيها صايم ومتى يأذن ههه وانا هعاملة نفسي مو عارفة ...... وسكتت شهرزاد عن الكلام المباح,,,,,

حنين الأمس

08-13-2010, 09:43 PM

السلام على الساكتين شكل مايحب السواليف إلا أنا <<اعووذ من كلمة أنا
نبدأ بسم الله اليوم صحيت فجأة ماكنت ناوية اصحى شكلي تعبانة ,صحتني فتاتي الصغيرة صحتني وانا ااطير << ليش حمامة قصدي قمزت من السرير وعيني على الساعة يالله الساعة 1 و45 دقيقة ..الصلاة ياناس واطير <<اقول انت مو حمامة المهم صليت وذكرت ربي وكالمعتاد للمطبخ ونفس الموال كل يوم المهم فطورنا اليوم "شربة "ضرورية" ,صينية مكرونة ,سندويشات دجاج ,سمبوسة,اسكندر الباذنجان,فطائر جبنة ",, وتابعت مسلسل "ليلة عيد" وقمت ابكي <امسحي دموعتس بس
والحين ان شاء الله بروح لجارتنا انا وشلة حسب الله اسفة قصدي امي <<حبيبتي,واختي ,وزوجة اخوي ,,,,يالله باستعد مافي وقت ,,وسكتت شهرزاد عن الكلام المباح..

نايف البدري

08-14-2010, 01:41 AM

ماشاء الله عليكم أختي حنين الأمس وأختي الجوري نشاط في نشاط مع أنه احياناً يغطكم النوم وبكره أقولكم يومياتي وبعدها باسبوع لارجعت المدام اقول لكم وش تسوي من فطووور ..

سلامي على المتكلمين مو الساكتين هههههههههه ,,

الجــــــوري

08-14-2010, 01:20 PM

اما انا في الامس

<<< ماشاء الله لغة

المهم

قعدت الساعة 12 الظهر من النوم البيت تقطون الابرة تسمعون رنتها
ماكو صوت خلق الله نايمه
عاد هم من كثرهم كله زوجي وعيالي اثنين وخدامتين بس
المهم
صليت الظهر وطقطقت شوي التلفزيون مافهمت ولا شي
قمت اقرى بكتاب الطبخ اشوف شنو اسوي جديد
طبعا احنا شغلتين ماتتغير ولازم تكون بالسفرة اللي اهما الشوربة والتشريب ,,, المهم وصلنا خير على اكلات معينة وسوينا المقسوم
وانا في المطبخ دق المنبه على الساعة 2 ونص في برنامج احب الشوفه وهو حقيقة الصحراء يتكلم فيها عن فترة الغزو وهو بعد مدته قصيرة مايطول
عقبها رديت المطبخ وكملت فطوري ولما اذن تفطرنا وصلينا وبعدها ريحت شوي وبعدها قمت اتجهز واجهز عيالي لأن بزور عمتي
واخذت الاطباق اللي مسويتها ورحت شفت عميمة وقعدنا وسوالف وضحك والحمدالله رديت البيت الساعة 1 وربع وضبطت السحور لزوجي وخليته وركضة لنوم ماادري هو متى رد وتسحر تعرفون الرجال مع السهر شي مو طبيعي

ولنا لقاء اخر

حنين الأمس

08-15-2010, 07:11 AM

رمضان كريم لذا سلامي على المتكلمين أول ثم ثم ثم على الساكتين..
اليوم آه من اليوم يالله نفس السابق ...بس تورطت بسوي شاورما وابونا نايم وماجاب لنا خبز وش اسوي ,,ايييييه راكان حبيبي روح للبقالة وهات لنا خبز ,,هذا ماقلته لفتاي الله يحفظه المهم وفرنا الخبز ,,,بس اللي مضحكني ركون قلبي كل شوي وهو داخل المطبخ يقول حبيبتي امي اليوم وش مسوية لنا,,شكله جوعان ,,وهو يحب الشاورما,,,ومابيه يعرف إني مسويتها ابيها مفاجأة قال لايكون مسوية شاورما وانا اطرده من المطبخ واهاوش فيه يالله اطلع برا خلني اكمل شغلي,,,,وولدي الصغير يالبى قلبه يحوس عندي مو مخليني اشتغل ,,,المهم اذن العصر ونفس السابق....وأذن المغرب افطرنا وصلينا بعد طاش ماطاش وضعت الفطور<< ياعيني على وضعت
شربة ::لازم:: مكرونة ,فتة الرز,صينية توست,,سمبوسة,,شاروما,,وحلا ليالي لبنان .
وبعدها لا خلاص وسكتت شهر زاد عن الكلام المباح..

نايف البدري

08-15-2010, 11:59 AM

مشاء الله أختي حنين يامال العافية بس حلوه (هذا ماقلته لفتاي) أحس اتفرج على مسلسل تاريخي ههههه .

بس ست بيت ماشاء الله حنين يسلمواااا أيديك ,,

أنا يومياتي دوام ومره فطور في بيتي ومره في بيت الأهل ,, زوجتي مو عندي.

حنين الأمس

08-15-2010, 09:43 PM

مراااااااااحب ياحلوين كيفكم ...
ذاك اليوم قصدي أمس صليت الفجر وقرأت آيات من القرآن الكريم ...ومن التعب ماسبحت ولاهللت ولا كبرت ,,صحيت الظهر يالله اشيل نفسي والنوم كابس كبسة غير شكل يالله صحيت ,,, اليوم صليت الفجر وقاومت التعب وهللت وسبحت وكبرت "100 مرة" والله العظيم قمت ونفسيتي مرتاحة نشيطة وقلبي منفتح :eh_s(10): المهم اكيد فاهمين هذا المصطلح اللي عندي..... صحيت صليت الظهر ثم إلى المطبخ وافر في المطبخ ,,مرة عند الفرن مرة ورررررررررر عند الثلاجة ومرررررررة هوب عند المغسلة ,,,,,,, والله أكبر أذن العصر وطيران شور اخاف ابو راكان يقوم ويشم رائحة البصل والطبخ ثم تزوغ عينه هنا وإلا هنا :assassin: ,,الرجالة مالهم أمان ... تك تك تك <<<صوت الساعة بمعنى الوقت يمر جهزت التميرات والقهوة وقشطة المراعي والماااااااااااااااء,,,,, افطرنا وكالمعتاد ثم وضعت الفطور حياكم الله تفضلوا"سمبوسة,مطبق, فطائر جبنة ولحمة,,صينية مكرونة بالباشميل ,حلااااا ,شربة"خليتها بالأخير فشلة كل يوم بالأول "...
نايف اعجبتك الكلمة عندي كثير منها :oh:
ليتك خيي يالحق والحقيقة كان كل يوم تفطر معانا أنا وشلتي قصدي عائلتي الكريمة ...
وتسلم على المدح <<تراني خجولة>>:dance9bh:

نايف البدري

08-16-2010, 12:58 AM

تسلمين أختي الجوري والله أتشرف تكون عندي أخت زيك يالغاليه ..

بس أعجبني أنك بنت ( ظفره ) على طوولتنا حنا يالبدوو يعني البنت شاطرره ماشاء الله تبارك الله عليك والله يحميك ويحرسك تصدقين نفسي أكل لو رشفه شوربه ولا حبه لقيمات من أيدك الله يسلمها بس الدنيا ماتجي على الكيف يااااخوك بس الله كررريم ..

تحياتي لك ,,

حنين الأمس

08-17-2010, 01:52 AM

يامرحباااا ...اليوم امممم وش ابي اقووول ,,صحيت كالمعتاد وصليت الظهر وطيران ارضي للمطبخ نزلت قابلني راكان زعلان الشغالة مهزاته ههههه قايلة له وانتم بكرامة "ياكلب" وهو يتعكر مزاجي وهي واقفة تدافع وتقول ابي اسوي قسيل "غسيل" ملابس في شيل سلك قصدها اخذ التوصيلة يبي يلعب بلايستيشن ,,تعرفون نظام الشقق كل شيء محصور..قلت لها احنا في رمضان خليك اعقل منه ..واشتغلت وانا مزاجي مو كل كذا يالله يالله روقت ,,
خلصت شغلي بعد آذان العصر بشوي صليت وكالعادة ,,أذنت المغرب افطرنا ,,بعدها الفطور وهالمرة جبت لكم صور وكنت ناوية اصور السفرة لكن نسيت يالله تعالوا معي تفضلوا حياكم الله :

هذي الفتة :
http://up.adm666.com//uploads/images/adm666-a64686d9dd.jpg

والحين مع لفائف اللحمة :

http://up.adm666.com//uploads/images/adm666-28970ff1b2.jpg

ومع ملفوف العنب"الجبرق" طبعاً هذا من امي مسويتة وتدري احب الذايب امممممممممممم يجنن
http://up.adm666.com//uploads/images/adm666-596fde376f.jpg

والسمبوسة وياعيني عليها بس ماأكلت منها:
http://up.adm666.com//uploads/images/adm666-c79098c68e.jpg

امممممم ياقلبي يالمكرونة بالباشميل:
http://up.adm666.com//uploads/images/adm666-185ca157fa.jpg

ساندوتشات الدجاج:
http://up.adm666.com//uploads/images/adm666-c4bdef22f6.jpg
والحلااااااااا جاي في الطريق هذا هو :
http://up.adm666.com//uploads/images/adm666-1c46e1e6a0.jpg
وعلى شان تشوفونه زين قطعت لكم قطعتين وذول للي يكتب بعدي على طول :
http://up.adm666.com//uploads/images/adm666-d2d9e12412.jpg

وصحتين وهنااا على قلوبنا..
بعدها تتصل امي توصيني على شان نروح نعزي ناس ويابنيتي يابنيتي واقو لها طيب وتقول اتصلي على اختك فلانة وحرمة اخوك على شان يروحون معاك وانا اقول حاضر يمه <<مطيعة هالبنت ..راح الوقت وامي تكلم فيني وعالسريع رحنا وعدناااااا ,,,وسكتت شهرزاد عن الكلام المباح

نايف البدري

08-17-2010, 02:05 AM

يعطيك العافية اختي حنين بس حلوووه طيرااان أرضي هههههه

خلاص قطعتين الحلا لي ههههه واااحد مشفوح ّ^^ شوي الا واااجد

بالعافية وبالهناء على قلوبكم ماشاء الله فطووور حلووو حيل يم يم هههه

تحياتي لك ,,

الجــــــوري

08-18-2010, 10:27 AM

حنونة تسلم ايدج بالعافية

اما انا امس ماطبخت ولا شي
لان كنت تعباانة ودوام ماداومت
والمسكين بو احمد راح افطر عند اهله
ظليمته شينة ماخلاني اقوم اسوي شي
ويحاول يقنعني اقوم اروح معاه مالي خلق
المهم افطرت على قهوة وقطعة جلكسي وشفت مسلسل انين
وزوارة خميس وليله عيد
والساعة 10 حسيت اني احسن قمت سويت فته
واكلت وعليها للحين

نايف البدري

08-18-2010, 11:42 AM

ماتشوفين شر أختي الجوري وصحتك أهم وابو أحمد ماشاء الله عليه حليم لو أنا كان قلت وووين الفطووور وتهاوشت معك <<< هههههههه أمزح قمة الرجولة عند الرجل هو تقدير إنسانه اعطتك عمرها كله لك .

تحياتي لك أختي الجووري ,,

حنين الأمس

08-20-2010, 02:41 AM

سلامات سلامات يالجوري ماتشوفين شر وابو احمد جزاه الله كل خير ...
أمس مصورة فطورنا لكن ماامدى لي اكتب وش سوينا لأني قاعدة اشتغل نظفت البيت أنا والشغالة وماخلصت إلا وأنا تعبانة مررررررررررة يالله..
اليوم ماسويت غير مكرونة بالباشميل وسمبوسة وشربة ورز ابيض مع خضار لأن ابو راكان قال سوي لا تكثرين يخاف السكر يرتفع ,,,والمكرونة على شان اطفالي ,,,,وبقية اليوم كالمعتاد ... بس مسلسل ليلة عيد رووعة شغلتي ابكي وابو راكان يضحك علي.....وبعدها طلعت لجارتي تعبانة الله يشفيها...
وسكتت شهرزاد عن الكلام المباح

الجــــــوري

08-20-2010, 11:05 PM

الله يسلمكم من كل شر

والله يخلي لي بو احمد ويسخره لي يارب دايم

اما انا اليوم
قعدت الساعة 11 الظهر وقعدت مع خدامتي ننظف البيت
وبعدها قرأت قرأن لما اذن الظهر صليت ورحت للمطبخ
ضبطت الحلو اول شي لان يبي وقت علشان يجمد
وخلصت منه والحلو هو حلى الاوريو
وبلشت فطوري سويت عيش ( رز ) ومرق وقوارب البيذنجان واو تهبل
مع كبه وسمبوسة
خلصت الساعة 4 ونص وبعدها قعدت اشوف مسلسل اخوان مريم على قناة الكويت وااايد حلوو المسلسل يتكلم عن الكويت اول
وعقب ماخلص زهبت سفرتي وتفطرنا والحمدالله وصلينا
وبعدها غفيت شوي دشيت الحين المنتدى اشوفكم

ولنا لقاء اخر

-MOON-ksa

08-21-2010, 08:24 PM

والله احس اني قاعده مع حريم صدق الي تشتكي والي تقول والي تفضفض..الله يعينكم بس..

انا الحمدالله للحين بنت ومرتااحه وماورااي اي مهماات صعبه مثلكم..

عساكم عالقووهـ

نايف البدري

08-22-2010, 01:21 PM

أنا اليوم بطلع من الدوام وبرووح أجيب مقاضي للفطور معطتني المدام وورقه طووويله هههههههه

-MOON-ksa

08-22-2010, 09:15 PM

عساااك عالقوووه يانااايف...

اوول مره افطر فطوورمحترم اليوووم <<وراه سبب بس ماراح اقوولكم..

حنين الأمس

08-23-2010, 03:31 AM

سلام يالحلوين .... ماعليش امس ماقدرت ادخل كنت مزحومة حييييل
كان عندنا فطور لأخت زوجي ولأخوه <<<بس أبي أعلمكم إني مرة سنعة ههههههههههههههههههههههه ...
امس تعب بس وناسة مرررررررررة يالله لك الحمد ....
اليوم طبعاً كنت تعبانة مررة من شغل أمس <<يابنت الحلال خلاص عرفوا انك سنعة ..
المهم بكمل كالسابق طيران للمطبخ <<حسين إني صاروح سكووود
تك تك تك <<اكيد عارفينه مر الوقت وأذن المغرب وكنت مجهزة كل شيء,,,
افطرناوشوي جهزت السفرة طبعاً فطورنا مختصر اليوم (شربة ,سمبوسة ,ومرقوق ,وارسلت لي اختي بسبوسة )
بعدها جلسنا شوي إلا يطق الباب بقوة فيقول زوجي من ذا المهبول اللي يطق الباب ,,فقلت في نفسي الله يستر لايطلع ابوي لأن ابوي الله يحفظه إذا كان مستعجل ماعنده طقققققققققققققققققققق بقوة وطلع اخوه ههههههه <<والله انه مايستاهل ههههههههههههههههه
جااااااااااااااي يخبرنا انو في حريقة ابو راكان يركض خاف على سيارته وانا اركض وشغالتي بعد وراكان يبي ثوبه ومتشقلب ويقول يمه سوي ثوبي ههههههههه طيب طيب وسويته وطااار مع ابوه وولدي االصغير يالبى قلبه احتاس معانا ورحت انا وشغالتي نشوف الحريقة مع الدرج ناحية غرفتها ووووه ناااااااااااااااااااار ..حريقة بمعنى الكلمة شغالتي خايفة وانا خايفة بس ابو طبع مايجوز عن طبعه وانا اقول لها طيري ياشغالتي جيبي لي الجواااااااااااال وتصوير شوي إلا الاتصالات بيطمنون ويوصون على راكان عارفينه الله يحفظه خايفين لايقتحم الحريق وطبعاً الدفااااع المدني الله يوفقهم ماقصروا ....شوي الا خواتي طايرات واختي وحده منهم طايرة وانتم بكرامة من غير جزمة من الخوف يحسبونه بيتنا .........إلا وحدة من جاراتنا تقول يافلانة وهي تعطيها جزمة <<< جيران متعاونين ...
طبعا الحريقة صارت في بستان قريب منا فيه نخل واجد <<<الله على البستان نخل ميت له سنين ههههههههههههه
وسكتت شهرزاد عن الكلام المباح

امير الكون

08-23-2010, 11:47 PM

الحمد الله على السلامة اختي حنين

فالبستان ولا في بيتكم

الا موضوعك حق الاخطاء وينه ابيه بكلمة راس >>>> :dance9bh:

مرة ثانية الحمد الله على السلامة ...

حنين الأمس

08-24-2010, 05:32 AM

الله يسلمك يا أمير الكون ,,,جعل الحريقة ماتشب في بيتك أو بيت من تعز :wacko:
جالس تتصيد بأخطائي ههههههههههههههههه ,,
على فكرة لما أطير بالكتابة الحروف تروح وطي هههههههههههه...لأني بالأساس سريعة في الكلام ههههههههههه
وتعرف الحريقة ضيعت علومي <<<تتعذر لنفسها ههههههههههه

نايف البدري

08-24-2010, 11:44 AM

الحمد لله على السلااامه بس الله يهديك خوفتيني حيييل أحسبه لاسمح الله الحريق في بيتكم بس الحمد لله على لطفه ورحمته بعباده .

تحياتي لك ,,

حنين الأمس

08-25-2010, 06:54 AM

ياسلامي عليكم يالسعوديةويالكويتية ويالعرب كلهم ....
لم أجد متسع من الوقت لكتابة يومياتي لهذا اليوم "يومياتي!" ههههههههههه
ماعلينا لاتدققون حيل عدوها على شان خاطري,,,
طبعاً زي كل الناس اردت أ ن أخلد إلى النوم بعد ماصليت الفجر ولكن غثني النونو الصغير يالله بالتهدهد نام ,,
ماأمدني غمضت عيناي <<الله اكبر يالسندريلا.................... وغرقت في النوم إلا والساعة 9 صحت فتاتي الصغيرة أزعجتني شوي عادي عندي وقاعدة تتابع التلفزيون ,,,شوي إلا "قاعدة ابكي" صحى نونوي الصغير لااااااااااااااااااااااااااااااااااااا مو معقولة وش السواة يااعضاء يمين ,شمال يالله نااام تهدهد ,,مهاوش مافي أمل ولا حتى سعاد ولا هدى,,,,,وكل شوي ماما ماما ,, وشوي وإلا ذيك العضة يبيني اصحى العب معاه ,,وش الحل إلا والله يرزقني بصحوة فتاتي الكبيرة وقلت لها انتبهي له طبعاً هم عندي بالأودة "الغرفة" ويتابعون التلفزيون ,,,طبعاً اكيد تقولون وبعلها أين هو؟؟؟؟ اكيد هالسؤال ماطرا على بالكم لكن الحين طرا,,طبعاً الجو موت حر ولازم مكيف وهو مايقدر ينام عند المكيف البارد على شان يده فنام بالمجلس ولأني إمرأة وراها طبخ ونفخ وتعب طول النهار
لازم اريح بمكان بارد ,,<<أدري تقولون وش هالهذرة بس ولايهمني واثق الخطوة يمشي ملكاً <<اكيد تقولون وش ذا البلشة وأنا أقول اللهم إني صائمة ..
طبعا كالعادة طيرااااااااااااااااان "صاروخ أرض أرض......عالمطبخ واليوم وراي شغل زيادة زوجة اخوي طالبة من تحضير طبق لأخوي لأنه عنده فطور اليوم ولكن بالدوام مو بالبيت,طبعاً اختكم سنعة وماتقدر تسوي صنف واحد سويت له ثلاث اصناف ...انتهيت من العمل ,طبعاً سويت له "افخاذ الدجاج ,حلاا الزبادي,فتة الأرز" وزينتهواخذتهم لبيت اخوي ,,ولقيت زوجة اخوي محتاسة ومعاها خواتي إللي تجهز واللي تصف واللي تنزل للسيارة ,, على اساس اوصل اطباقي واعود للبيت ,,بما إني اسنافية <<غثيتينا عااااااااد ,,قلت لزوجة اخوي تبين شي قالت والله لو تزينن الأطباق أنا مالي بهالشغلة "طبعاً هي ماشاء الله عليها طبخها زاكي" قلت طيب وازين لها الأطباق وقلت تامرين شي ثاني قالت سلامتك والله ماتقصرين ياام راكان وإلا يحمرن هالخديدات هههههههههههههههههههههههههه استحيت منها :eek:,,,يالله عاد مع السلامة ..مو لكم وش فيكم فرحتوا اقصد زوجة اخوي ..بعدها عدت إلى البيت جهزت القهوة والتمر صحيت بعلي ,أذن افطرنا بعد مارتحنا شوي وضعت العشااء "طبعاً نفس الأصناف السابقة اللي سويتها لأخوي +الشربة +السمبوسة+ سندويتشات دجاج " تعشينا والحمدلله ,,وضعت رأسي على الوسادةوأنا اشاهد "ليلة عيد" ونمت <<تعبانة هالاسنافية نوم العوافي
طبعاً عذاب نايمة بالمجلس والمكيف مو باردمرة على شان ابو راكان "الله يشفيه "
وياويل اللي يتصيد وراي :skull: ترانا بشهر رمضان هههههههه
وسكتت شهرزاد عن الكلام المباح << اكيد تقولون وش بقى ماقلتيه ههههههههههههههه :grin:

نايف البدري

08-25-2010, 12:17 PM

ماشاء الله تبارك الله عليك أختي حنين هههههههه بس مو كن كلامك زااايد شوووووي هههههههههه

حنين الأمس

08-26-2010, 01:43 AM

نايف :assassin: ,,,
كلامي زايد شوي,,امممم,,انت شايف كذا ,,تصدق إني حاسة بالموضوع من أمس حرارتي مرتفعة توقعت انه انفلونزا كثر الحكي ,,:oh: بس ولا يهمني واثق الخطوة يمشي امبراطور ههههههههههه بي اللهم إني مو صايمة الحين الساعة 1 ونصف بالليل ....
بالنسبة لليوم سويت نفس كل يوم صاروخ جو أرض وطي للمطبخ ,,وتك وتك وتك ,,,,جهزت كل شي قبل المغرب افطرنا ثم تعشينا وكان العشاء عبارة عن "شربة ,سمبوسة ,رز ابيض,كفتة بالطحينية,مكرونة بالباشميل ,مطبق "
,بعدها كلمت اختي بدنا نروح لعمي منكسر والسبة هالحريقة اللي صارت كان نايم وصحوة ومن الفزعة طار <<أنا اقول أنا منو عليه طالعة>>
ومن على الدرج طاح سلامتك ياعمي.... لكن شغالتي تريد تحول فلوسها فرحت مع ابو راكان نحول فلوسها ,,طبعاً أكيد تقولون يالقافتها غير تروحين معه أقول هو اللي قال لي ,,أخاف يتعب فرحت معاه <<يالقافتكم انتم...
وعدت ولكن متأخرة فأجلنا الزيارة ليوم غد <<أنا من زمان معجبة بلغتي هههه:oh:...
وسكتت شهرزاد عن الكلام المباح <<<هالمرة الكلام مختصر :dance9bh:

نايف البدري

08-26-2010, 03:54 AM

حلووووووووووو الكلام المختصر حنين ههههههههههههههههه

تحياتي لك يالنشمية

امير الكون

08-26-2010, 06:43 AM

حنين الأمس

والله يا هالموضوع احسن من مطالع "طاش " والا ربعه الباقين

على الاقل نتعلم أملاء ...

:eh_s(10):

سلام :big0grin:

.

.

الجــــــوري

08-26-2010, 11:36 PM

السلام عليكم

شلونكم ...ووشخباااااركم...؟

سوري لاني طولت عليكم بس تعرفون ان عندنا قرقيعان ولهينا
فيه وزوارات القرقيعان صارت تقريبا رسمية
سويت لعلاوي قرقيعان وااايد نايس بس كلفني وااايد
ادري بطر بس شسوي هذا السوق وعندنا القرقيعان موسم
يستغلونة التجار سواء من ناحية ملابس ومن ناحية حلويات
وهذا من غير الشغلات اللي نسويها مع التصوير

المهم اتكلم لكم عن يومي الرمضاني

اليوم قعدت من النوم الساعة 2 الظهر لان عطيت اليوم دوامي طاف
مالي خلق اداوم ...
وبعدها صليت الظهر وقمت اشوف مطبخي ابي اعرف شنو اسوي
بطلت ثلاجتي وشفت ان تقريبا فاضية المهم رحت على طول للجمعية
وجبت النواقص اللي ابيها
على الساعة 3 ونص بلشت اسوي الفطور واليوم ماسويت غير شوربة وتشريب وبلاليط ( شعرية ) وقبوط وبس والحمدالله
وافطرنا والساعة 7 طرت على طول الصالون ( الكوافير ) ندور الكشخة ماني ناطرة العيد وزحمته المهم خلصت وعقبها رحت السوق مع ابو احمد نتشرى حق عيالنا ورديت البيت الساعة 11 ودشيت معاكم لان الساعة 12 ونص بنروح المطعم لان ابو احمد عازمني على السحور بمطعم

وغدا اعطيكم موجز يومي الرمضاني

نايف البدري

08-27-2010, 01:01 AM

ماشاء الله أختي الجوري بنت شقرديه بس حلووووه كشتي في الدووااام اليوم لو أنا مديرك كان مافكر في الخصم عليك لأنك تستاهلين .

تحياتي لك ,, سحوور بالعافية على قلبك أنتي وابو أحمد

حنين الأمس

08-27-2010, 02:41 AM

طبعاً يومي يوم <<أجل سنة:eh_s(10):
طبعاً متخيلة أمير الكون وهو مبقق عيونه "ماشاء الله وسيعة" يتصيد بأخطائي غير المقصودة ,فقط من سرعة الكتابة:assassin: <<مقهورة حد القتل.
ماعلينا نحتسي بالمفيد ,,طبعاً الصبح تعب زوجي وراح للمستشفى وكلمته وطمني عليه وقال ماراح اطول بطلع قبل المغرب ,,طبعاً صحيت بس هالمرة طيران بطيء جداً ,,,اعمل وأنا حزينة وقلبي يوجعني ,,لا واللي زادني ألم اتصل على زوجي مايرد واطمن نفسي اقول يمكن نايم ,لكن حريقة شابة بقلبي ,,,خلصت إعدادات الفطور ,,صارت الساعة 6 ونصف مايرد على اتصالاتي, خلاص وصلت معاي,,,, سبحان الله الفطور ماله لذة,,,
شوي الا اتصل الدب"اللي هو زوجي" وقلت هلا وش فيك ماترد قال نايم <<انقهرت قلت حرقت اعصابي قال انا جاي الحين "اللهم لك الحمد "
فرصة ادحلس عند اخته اتصلت عليها وقلت لها حياتس على الفطور والله كنت بعزمك اليوم بدري بس ابو راكان تعب وقصيت القصة وقلت لها تعالي الحين يفرح لاشافك ,قالت طيب ,,جتنا الأخت الغالية ,,,شوي إلا الغالي دخل علينا هلا والله تقهوينا شوي حطيت العشاء"شربة ,سمبوسة,رز ابيض,كفتة داوود باشا <<شغل باشاوات,بروستد ,لفائف اللحمة " تعشينا جلسنا شوي ,,,
وبعدين
خلااااااااااااااااااص سكتت شهرزاد عن الكلام المباااااااااااااح

امير الكون

08-27-2010, 04:07 AM

"" الحمد الله على سلامة ابو راكان ""

مايشوف شر .. طهور ان شا الله

اختي حنين .. التبقق مو بالحين .. بس يتشافى " ابوكم " وبعدها يحلها حلال

طمنينا عن صحته ...

دمتم جميعا بصحه وعافيه .

.

حنين الأمس

08-29-2010, 02:15 AM

سلااااااااام ,,,كيف الاحوال,,,
أمير الكون الله يحفظك ويديم عليك الصحة والعافية ,,وابو راكان الحمدلله ..
يالله نبدأ يومي:
اليوم امممممممممممممممممم ,,,صحيت متأخر بس مابقول كم صحيت "كيفي"
صاروخ سكود ... ولسطح المطبخ قصدي لأرص المطبخ ..... امممم ويش اسوي ...حددت مااريد طبخة واطلقت عليه قصدي جهزت الأ دوات والمقادير,,,
تك ,,تك..تك..تك ..تك ..مر الوقت ,,لحظة ارجعوا تكتين بس ,,
الساعة 4 ونص خلصت شغلي قلت لبنتي لاصارت الساعة 5 ونصف صحيني لأني كنت تعبانة وبنام شوي ,,,,
شوي إلا وأنا أطير من مكاني مثل المجنونة شممت رائحة احتراق ,طنق <<<صوت القمزة
إلا واركض شغالتي في الصالة ماما ايس فيه ,,احرقت الطبخة قالت ماما لا أنا سويت نار صغير ........الحمدلله ,,وقلبي يرقع <<يعني نبضاته زادت
طبعاً كانت الساعة 6 وناظرت بهاوش بنتي لقيتها نايمة ,,قلت الشرهة على اللي يعتمد على طفلة....
بس لقيت شغالتي خابصتني أنا مسوية "مطازيز" أقلد القصمان بس مو طحين بر ,,لا طحين ابيض,, طبعاً جهزتها وكل شي ومايبي لها تحريك على شان ماتصير مرقوق ,,,لقيت شغالتي متليقفة ومحركته وصاير "مرقزيز" يعني بين المرقوق والمطازيز ,,بس رحمتها ماقدرت اهاوشهاوقلت لها "هزا مو مرقوق هزا مطازيز,يعني مافي حرك كسير"كثير" <<تعرفون لازم اتكلم معاها اندونيسي ,,تعرفون مايفهم كل كلامنا هههه"ياحريفة انتي ياحنين"
قلت مرة سانية مافي سوي شي لازم أنا في قول <<<اتمنى تفهمون هالأندونيسي ....
وكالعادة تكت الساعة ,,, واذن المغرب افطرنا ثم بعد هنيهات وضعنا العشاء"شربة ,سمبوسة,مطازيز,بيتزا,سندويتشات الدجاج,مكرونة"
بعدها تابعت "ليلة عيد ,,,وماني عارفة شسوي وين اطلع ,,
شوي الا يرن الجوال بنت خالتي تدعوني لزياة اختها اللي هي جارتي لأنها عندهم وطيررران "من غير شعور تزينت ,,اها يابو راكان ودي اسير على بنت خالتي اروح ؟قال روحي وعين حاله تقول "وش عقبة متزينة ومتجهزة وتشاوريني !" ماعلينا
ذهبت واستانست اللهم لك الحمد ,,,,,,,,,,,,,,,
وسكتت شهرزاد عن الكلام المباح

حنين الأمس

08-29-2010, 11:43 PM

اشوف الناس ساكتة ,,وش بلاكم ,,,,,
بس انا اللي اهذر ...
اليوم ....
صحيت ..طيران .... تك ..تك ..تك .....مر الوقت
افطرنا ..وضعنا العشاء "شربة ,سمبوسة ,رولات التوست ,سندويتشات الدجاج ,,مقلوبة ,,حلااا " وجلست بالبيت ودخلت النت ,,,
بس هاليوم "طفش"
وسكتت شهرزاد عن الكلام المباح

نايف البدري

08-30-2010, 01:49 PM

ماشاء الله عليك أختي حنين والله سوالفك تضحك اليوم خاصة يوم تقولين

"مرقزيز" هههههههههه .

تحياتي لك ,,

الجــــــوري

08-30-2010, 11:11 PM

نايف

تستاهل الطيب خيوووو

يومي الرمضاني

داومت والساعة 11 طلعت من دوامي
لان تعبت ماقدرت اكمل وعلى طول انحشت
المهم رديت ونمت
وقعدت ع الساعة 2 وعلى طول صليت وللمطبخ سويت
الفطور وبعدها افطرنا وعينا من الله خير
وقمت اشوف شغل البيت وسويت يوم الترتيب العالمي
قطيت شغلات وايد وخلصت ع الساعة 9 ونص بالليل
وبعدها ريحت شوي ودشيت وياكم اشوفكم واتطمن عليكم
لان مالي مزاج اطلع اليوم

وغدا نكمل ايامنا الرمضانية

حنين الأمس

09-02-2010, 06:27 AM

سلاااااام يالربع ...عساكم بخير ...........
صحيت اليوم صليت الظهر وطيران للمطبح وطبخت مايسره الله ,,,,,,
وتكت الساعة واذن المغرب افطرنا وثم بعد ساعة تعشينا وكان العشاااااء"شربة, سندوتشات تونة,جيب التاجر ,شيش طاووق , رز ابيض,وحلاااااا ",, بعدها رحت مع زوجة اخوي نعزي رجعت للبيت ,,,,
وجتني " حالة شغل" ونظفت الفريزر "حسيت إني قوية "ههههههههه
وسكتت شهرزاد عن الكلام المباح..

نايف البدري

09-02-2010, 06:37 AM

يعطيك العااافيه أختي حنين وماشاء الله تبارك الله عليك بس حلوووه سلام يالربع ( أحس قااعد أشووف مسلسل بدووي ) متآثر بالمسلسلات البدوويه أووول هههههههه أمزح فطوور الهنا والعافيه حنينوو .

الجــــــوري

09-02-2010, 11:51 PM

مرحبا اخواني وخواتي

شلونكم .. ؟ شخبااااركم..؟

هانت رمضان بيخلص عساه يعود علينا واحنا باتم صحة وعافية

اليوم مالي مزاج لشي نهائي

غصب قمت الدوام وداومت واللي يكلمني شوي واهواشه بس
اشوى اني اقدر على نفسي واسكت
طلعت الساعة 12 ونص ورحت بعدها لسووق بتشرى حق العيد
وعصبت اكثر لان ماكو شي حلووو
<<< شفيج كله معصبة عايشة الدور
وطلعت من السوق الساعة 3 الا ربع ولبيت
ودشيت الا ابو احمد ناطرني ولما شافني يقولي متى بتطبخين..؟
رديت وانا متنرفزة دبر عمرك اليوم مالي خلق اسوي شي
وماراح اسوي شي قالي تعالي طقيني احسن
نقدت ع عمري وتأسفت منه وقلت له مالي مزاج اليوم وسامحني
<<< خوش مره
وياحياتي هو راح جاب اكل من برى بس اشوى انه من مطعم فيه طبخ كويتي يعني كأنه طبخ بيت وتفطرنا وعينا من الله خير
وماتكلمت من وقتها كل شوي يبي ينطقني وانا اتكلم بالاشارة
طلع وتركــني ودشيت معاكم انتنت معاكم على قوله حنونة

وغدا لنا لقاء اخر

نايف البدري

09-03-2010, 03:11 AM

معليش أختي الجوري عااادي مالومك لو عصبتي الدواام وصيام وشغل بيت وزوج الله يعينك بصراااحه ياااخوك والواحد أذا ماتحمل زوجته منو يتحمل أجل ابو أحمد خلك رجال ريلكس وتحمل الجوري تراااها خوش بنت ماشاء الله عليها ( محامي لك أنا ) ههههه .

أنا أفطرت اليووم عند نسايبي أهل زوجتي خووش فطوور وريحت شوي وبعد صلاة العشاء مشيت من الدمام للرياض لوحدي طبعاً زوجتي تبي تعيد عند أهلها عندهم زواج أختها ثاني العيد مباشرة وهالحين توي وصلت الرياض ودشيت النت أشوفكم وأتونس معااااكم .

حنين الأمس

09-03-2010, 07:56 AM

الجوري ياحي الله هالوجه الصبوح
ماألومك ياوخيتي إحنا يالنساء الراقيات نعصب لما ما نلقى ملابس على ذوقنا خصوصاً إن ذوقنا راقي وصعب شوي <<أحم
الله يعينك ويعيني...ويعين ابو احمد وابو راكان لازم يتحملونا هاليومين مثل ماتحملناهم سنواااااااااات ...
يومي:
صحيت وطيران طبعاً,,,,للمطبخ بس اليوم احتست حوسة ...شكلي منضولة
احد قازني بعين وانا شاكة بهالأحد,,
شغلي ماخلصته غير 6 وربع ومابقى شي عن آذان المغرب وريحتي كلها طبخ ....لا واليوم ركزت على طبخ أكلات فيها ثووم ,,شربتي شوي وإلا تحرق وصينية الرز يالله لحقتها وإلا احترقت حسيت إن مخي مقلوب"أكيد من فرات الغسالة يانايف هههه"<<أمزح
يالله خلصت شغل وسويت حلااا مخصوص لزوج اختي المتزوجة حديثاً لأنه يستاهل طيب وابن حلال الله يوفقهم ...
وطبعاً لما شفت الساعة ويطير مخي على قلبته يطير بعد والله مشكلة...
ابو راكان يالله اصحى الوقت راح لأنه لازم ياخذ بخار ويضرب ابرة سكر ياخذ وقت ...يابعد حيي هو مانام غير 4 العصر تعبان الله يشفيه يااارب ويالله صحى ...
اذن افطرنا....شوي اتصلت اختي العروسة وقالت تعالي تعللي عندي الليلة رحمتني لأني ماعندي احد "أمي وخواتي مسافرات وانا قريبة من بيتهم وأهل زوجي "أمه وابوه"متوفين الله يرحمهم يعني وحيدة<<موسيقى حزينة
قلت وش عندك قالت رحمتك امس لما جيت وشفتك قلت بناديك نتونس مع بعض ....تعشينا متأخر ومن ثم تجهزنا وذهبنا لأختي والحمدلله تونست الله يونسها بالدنيا والآخرة...
لا نسيت شي اليوم وانا اشاهد "ليلة عيد" وبكاء والدموع تنهمر وعندي راكان واخته ..بنيتي متأثرة مو من المسلسل لا من بكاي وراكان يقول "لا ياماما لاتبكين يالحلوة"<<<طبعاً مو قاعد يواسيني قاعد يتطنز علي وانا اقول له ياشيخ ابعد عني مندمجة مع المسلسل ....
مااحب ابكي قدامهم لكن الظروف ...........
وسكتت شهرزاد عن الكلام المباح

الجــــــوري

09-04-2010, 11:10 PM

الله يعينا والله ياخوي يانايف
احنا النساء العاملات نعاني معاناة وخصوصا اذا كنا متزوجات
تكون المعاناة اكثر وان شاء الله رجالنا تتحملنا
والله ياحنونة مجبورين يتحملون لان احنا صبرنا على الضيم
هههههههههههههههههه

المهم

يومي الرمضاني
كان عادي جدا لان ماطبخت ولاشي
لان اليوم معزومة عند اهل زوجي
قعدت الساعة 1ونص الظهر مابين صلاة وقرآن
انتبهت لنفسي الساعة 4 وشفت زوارة خميس
وانقهرت على موزة لما ثنيان طلقها صج رجال مالهم امان
مسويته يادهينه لا تنكتين وطلقها ياحيييييييييييف
<<< عاشت الدور
خلص المسلسل على الساعة خمس ورحت ضبطت الباشميل
وعيني على التلفزيون اشوف مسلسل اخوان مريم
وخلصت ورحت لبيت اهل بو احمد وتفطرنه واستانسنه وصارت هناك غيرة بين الكنات تدرون لما خالتي ام احمد امدحتني وقام الله يحفظة بو احمد يزيد ويمدحني بعد انتفخت هههههههه واستحيت وااايد
والجنات ( الكنات) اشوف ايدينهم تفرك خخخخخخخخخخخخخ
جان اقهرهم زيادة واقوم ابوس خالتي على راسها وانا اخزهم ابي اشوف ردة فعلهم
<<<< يمه ياجور الحريم
المهم على الساعة 9 رحت لاهلي انا وريلي (رجلي ) وقاعدين سوالف مع بعض
وبعدها هو قام لدوانية يتابع باب الحارة وانا دشيت اشوفكم

باجر اشوفكم اوك

نايف البدري

09-05-2010, 01:08 AM

حياااك الله أختي الجووري بس ممنوع التآثر من المسلسلات لأنها تنقل جزء من الواقع وليس كله .

أنا اليوم عزوبي رحت أفطرت عند أهلي بالبيت الكبير وجلست عندهم إلى الساعة 10 بالليل ورجعت حق بيتي ودخلت أشوفكم .

حنين الأمس

09-05-2010, 06:35 AM

اليوم وقبل ماانفلت بالكلام ,,السلام عليكم ياالعربان كيفكم ...يابعد حيي
المهم نبدأ :
اليوم طبعاً يالله صحيت من النوم شوي وإلا أبكي لكن تناقشت مع نفسي وقلت لها "والله هذا اللي يسوهر "يسهر" تستاهلين" قالت نفسي ايو الله معاك حق والحمدلله اقتنعت وقمت وطيرااااااااااان فريرة للمطبخ طبعاً بعد ماسوينا العبادات "صلاة وقراءة القرآن " ..
طبعا أبوي في البيت لحاله مو كل اهلي مسافرين للعمرة ..وزوجة اخوي تسوي العشا لأبوي<< حسيت فيني قريحةشعرية ,,طبعاً انا حاولت معاه يجي يفطر عندنا لكن رفض وقال والله مارتاح الا ببيتي قلت على راحتك ,,سويت له حلااا نوعين ياقلبي هو ..واتفقت مع اختي اللي اصغر مني بشوي إنا اليوم نروح نفطر معاه نونسه لأن زوجة اخوي تعد الفطور وهو لحاله بالمجلس واخوي استلامات
ورحنا افطرنا عنده واخذت ولدي الصغير لأنه يحبه حييييل "بعض ناس اكيد عارفين ليه " ووطبعاً اخذت من الحلا لاخوي وزوجته..<<الحمدلله مانعرف البخل يابعض الناس :biggrin:
المهم رحنا انا واختي افطرنا وشوي جات اختي المتزوجة حديثاً هي وزوجها وطبعاً حطيت له من حلاا ابوي شوي وجهزت له القهوة والشاي ..
طبعاً استأذنت من ابوي وذهبت إلى البيت ,,الحين القى ابو ركان فاقدني ,,ودخلت إلا حسيت بقلبه حكي بس ويش يسوي "هذا ابوي "
وضعت العشاء" شربة ,بيتزا,,سمبوسة نوعين جبن ولحم ومقلوبة وحلااا كاسات وحلاااثاني من اختراعي " طبعاً اتصلت على اختي المتزوجة حديثاً "شكلي بقول اسمها عجزت وانا اقول حديثاً" المهم قلت ترى سويت لزوجك حلاااا مري واخذيه قالت يماللعافية ...مروا واخذوا الحلا طبعاً حلااا الكاسات واللي من اختراعي "واخذمنه لأخوه "وانهبلوا عليه واتصلت اختي تعلمني بالمدح وانا تكبر خشتي ...وصل حده الغرور ..بس ياخسارة يالجوري "كناتي ماهم حوالي وإلا راح انصهر من الفرحة ....<<غصب نفرح ههههههههه
وسكتت شهرزاد عن الكلام المباح..

حنين الأمس

09-07-2010, 04:46 AM

اليوم اليوم قصدي امس..
صحيت ياثقل القومة ...مالي خلق للشغل ....
بس وش نسوي لازم نقوم ونشتغل ووووو..
طبعاً اهلي بيجون اليوم من السفر فلازم اكثر الفطور ....
كثرت الشربة ,,,اتصلت زوجة اخوي ,,واثرها مسوية شربة
قلت يالله بنشربهم الشربه كلها غصب....
وتقاسمنا الشغل ....سويت مقلوبتين لنا ولأهلي ,,,ومكرونة بالباشميل ,,ومطبق بس بشكل غير ...طبعاً اليوم ماسويت حلااا
ليش؟
لأن الحلا عندي فن وانا مالي خلق اتفنن ..ولولا عودة اهلي مالي خلق لأي شيء...
طبعاً اليوم مارحت لابوي لأن اهلي على وشك الوصول,, وبروح لهم وماابي ابو راكان يقول مرتين تروحين ...
وصلوا اهلي 7 ونصف رحت لمهم وسلمت عليهم هههههههه
خواتيييييييييي <<<<بصوت عالي
ياهلااا وغلااااااا ..واتحضنهم وحدة وحدة سلامنا يفطس ضحك
وانا اقول لكل وحدة اختي حبيبتي الحمدلله على السلامة مبروكة العمرة..
مستانسة حيل لوصولهم ...طبعا هم يبون يخلصون مني يبون ولدي الصغير مشتاقين له حييييل وشغلتي وهم بمسافرين ارسل لهم صور ...القط صور تقهر وارسلها ويتصلن يقولن لي شكذا واللي تقول حلمت فيه واللي تقول لما شفت صورته قمت اصارخ واللي عندي انهبلوا قالوا وش فيه يحسبون في حالة وفاة ههههههههههههه..
يعني اجرمت فيهم اجراااااااااااااام ..
لا وصورت ابوي وهو نايم ,,رحت مرة له الظهر قلبي يحكي فيه قلت لازم اروح لقيته نايم صورته وارسلتها لهم ...
واتصلووا منقهرين مني ,,
وش اسوي انا بعد مقهورة من بعدهم وابيهم يجون بسرعة ...
المهم قلت متى تبون العشاااء قالت امي اتصلي على اخوك وشوفي يجي وإلا لا "اخوي اللي موديهم ياخذون عمرة" اتصلت وقال يالله جاي ,,
رحت للبيت وحطيت العشاء وشلته انا وشغالتي وبنتي وديته لم اهلي .يالله يالله العشاء واتصل على اخوي وازعجته بالاتصال إلى ان جاء..."اتوقع يقول لاعادت :biggrin:"طبعا زوجة اخوي سوت شربة وفطائر وسمبوسة نزلتهم طبعاً ابوي بعد حيي الله يطول بعمره مسوي فبها تخفيف..حطيت له شربة زوجة اخوي وشربتي "بوهقه" ويشرب من شربة زوجة اخوي وانا اراقب وقلت يبه تراي شايفتك ماشربت من شربتي قال وينها مو عارف اي وحدة شوي قلت شكلك ماشربت "هي بالقوة" قال إلا والله شربت :wooow: وقاعدة اوزع شربة ومكرونة واحشي فيهم يالله اكلوا ,,وقالو اماشاء الله يازين هالأكل :wooow: فرحت هههههههههه
قالت "أمي" وش ذا كله يماللعافية قلت "أنا الحين متفشلة ماسويت شيء"<< عاملة فيها اسنافية
وتقول امي ليش ماتاكلين معنا قلت لا بتعشى مع ابو راكان ....
لما خلصوا رحت للبيت وحطيت عشانا ,وتعشينا ....
طبعاً خواتي جايبين هدايا لاطفالي جايبين للبنات مكياج وتجي بنتي الكبيرة تقول "ماما بسوي لك مكياج قلت يالله سوت لي مناكير وتحط من ذا المكياج على وجهي وتجي بنتي الصغيرة تحط في رجولي مناكير طبعاً غارت من اختها طبعاً انا نمت ههههههههههههه"
وسكتت شهرزاد عن الكلام المباح