ام السعف والليف / في لقاء حصري مع شبكة ادم وحواء

[aljenaan]

بسم الله الرحمن الرحيم

تحيه طيبه اسطرها عبر طيات هذه الصفحه لجميع اعضاءنا الكرام

وكل عام وانتم بخير والله يعيده علينا وعليكم بالخير ان شاء الله


في هذا اليوم الرائع والممطر

نود ان نعطر صفحاتنا بلقاء نريده ان يتميز بوجود ضيفتنا

لقاء نجمع به بين شبكة ادم وحواء والعضوه المتألقه

ام السعف والليف


السلام عليكم ورحمة الله وبركاته

تحيه طيبه اختي ام السعف والليف
كيف حالك ان شاء الله تكوني في اتم الصحه والعافيه
وكيف العيد معاك

شكرا على موافقتك لهذا اللقاء
وان شاء الله يتعطر هذا اللقاء بتلبيتك وحضورك لهذا اللقاء

في بداية اللقاء

نود ان نتعرف على ام السعف والليف اكثر

اذكري لنا بطاقتك الشخصيه
وحالتك الاجتماعيه
ومن اي المجتمعات انتي ( اي بلد )
كم عمرك
ماهو مستواك التعليمي
كم عدد ابناءك اذا كنتي متزوجه

في بدايتنا لهذا اللقاء اود ان اطرح لكي شيئا بداخلي
لماذا لا تغيري اسمك من ام السعف والليف الا اسمك الشخصي يعني ام فلان او ام فلانه

من خلال الصور التي في اللبومك الخاص عرفت انك من محبي البر
انتي تشتاقين للبر وهل تحتاجين الخروج للبر من فتره لفتره او انها مجرد تسليه فقط

نحن تعرفنا على ام السعف والليف بين صفحاتنا قبل ان انشر الدعوات والاعلانات لهذا الصرح
اريد ان نعرف كيف تعرفتي على موقعنا
وخاصة انه كان المنتدى نائما نوما شديدا الا اني اشاهد اصرارك للمتابعه والمشاركه لوحدك او مع شخص اخر فقط دون وجود تفاعل نهائي
ماهو الدافع في اصرارك لوجودك في المنتدى وقت خموله


ما رايك بالتغيير ان طرأ على الموقع واختيار اسم ادم وحواء
وما رايك بالتصميم

هل تؤيدي الفتاه التي تفضل الوظيفه على الزوج

كيف تنظرين لأبناء ادم في عصرنا هذا
وهل فيه فروق بين عصرنا والعصر الماضي

اريدك ان تعطيني ماهي الاسباب التي تجعل الفتاه تعشق فتاه اخرى
ارجوا ان تشرحي لنا الاسباب بالكامل في ظل كثرة الشذوذ بين الفتيات

وماهو دور الأم عندما تعلم ان ابنتها تعشق فتاه وتحب الشذوذ
كيف ترشدها للطريق الصحيح

فتاه في السن 14 او 15 هل تؤيدين اعطاءها الثقه في التعامل مع الاخرين وفي تصرفاتها او عدم متابعتها متابعه دائمه
وماهو السن بنظرك الذي يعطي الفتاه شيئا من الثقه


مارأيك بالدكتوره فوزيه الدريع
ما رأيك في برنامج كلام نواعم في قناة mbc
ماهي البرامج التلفزيونية التي تفضلينها



في نهاية لقاءنا نود ان نتعرف على هذه المسألة

انتي والجوري وابو سالم بزورق داخل البحر ولابد ان ترمي واحد لكي لا يغرق الزورق
من تضحي به في هذه اللحظه وترميه في البحر
مع العلم ان ابو سالم لا يعرف السباحه


ــــــــــــــــــــــــــــــــــــــ
وننتظر ضيفتنا لتعطر صفحتنا

وشكرا لكم

[¤®§¦ هاجس ¦§®¤]

اختيار حلو وموفق منك الجنان

ودنا نتعرف اكثر على ام السعف

بأنتظارها

[ام السعف والليف]

صح اخوي الجنان و اخوي هاجس نبي نتعرف على ام السعف والليف وينها بس

لوووووووووووووول

<<<< مايقصدونها ابد

[بدون اسم]

اختيار موفق ونستنى ام السعف والليف اللي كأنها ما شافت شي ^_^


يللا سعوفه .. تعالي عرفينا على نفسك اكتر

[الجــــــوري]

جنانو اختيارك فعلا جاء في وقته


سعووووووفة جاوبي علشان نتعرف اكثر واكثر

بس هااااا اخر سؤال اضافة عليه حتى انا مااعرف السباحة


ههههههه

[ابوسالم]

ام السعف والليف اختيار موفق اخوي الجنان

والكل كان ينتظر هذا اللقاء على احر من الجمر

عضوه ذو شخصيه مميزه ومن الاعضاء المتميزين بالمنتدى

يالله يام السعف اليابس ننتظر ردك بسرعه


اما السؤال الاخير مايحتاج انا اعرف ردها ومن تبي تقط

[ام السعف والليف]

يالله يام السعف وينك ترى العالم تنتظرك لوووووووول

ابو سالم والله ماحزرت وش بقول وقراري مو من ردك ولا رد جوري والله كنت مقرره من شفت الاسئله قبلكم
بس ماعليه ان شاء الله تشوف الرد عن قريب

[ام السعف والليف]

بسم الله الرحمن الرحيم

على بركه الله نبدأ


بسم الله الرحمن الرحيم

تحيه طيبه اسطرها عبر طيات هذه الصفحه لجميع اعضاءنا الكرام

وكل عام وانتم بخير والله يعيده علينا وعليكم بالخير ان شاء الله

كل عام وانت بخير خيو وعساك من عواده


في هذا اليوم الرائع والممطر جو مايبي الا البر صوح


نود ان نعطر صفحاتنا بلقاء نريده ان يتميز بوجود ضيفتنا

لقاء نجمع به بين شبكة ادم وحواء والعضوه المتألقه

ام السعف والليف

الله مير يسلمك ويخليك لعين ترجيك ومشكور على الاطراء الرائع وان شاء الله اكون عند حسن الظن


السلام عليكم ورحمة الله وبركاته
وعليكم السلام ورحمة الله وبركاته



تحيه طيبه اختي ام السعف والليف
كيف حالك ان شاء الله تكوني في اتم الصحه والعافيه
وكيف العيد معاك

حياك الكريم والحمد لله العيد حلو مع ذبح الخرفان وتخييم بالبر تحس انه وناسه بقوه ولله الحمد ومع الامطار اللي هلت على الرياض زادت الجو روعه اللهم لك الحمد والشكر يارب


شكرا على موافقتك لهذا اللقاء
وان شاء الله يتعطر هذا اللقاء بتلبيتك وحضورك لهذا اللقاء

في بداية اللقاء

العفو اخوي وان شاء الله اكون ضيفه خفيفه على قلوبكم

نود ان نتعرف على ام السعف والليف اكثر
داخله تحقيق الله يكافينا الشر

اذكري لنا بطاقتك الشخصيه
ام السعف والليف

وحالتك الاجتماعيه
متزوجه من راجل قد الدنيا الله يخليه لي ويخليني له
ومن اي المجتمعات انتي ( اي بلد )
سعودية الاصل والمنشاء
كم عمرك
العمر / تبونه بالهجري والا الميلادي :eh_s(3): 27 سنه العمر كله يارب
ماهو مستواك التعليمي
بكالوريوس وان شاء الله قريب احصل على الماجستير ونفكر باللي بعده
موظفة بوظيفه شوي حساسة ولله الحمد والمنه .

كم عدد ابناءك اذا كنتي متزوجه
ثلاثه بسم الله عليهم تقريبا فوق بعض هم
ولدين وبنت مثل القمر كان عندكم لها عريس حياكم




في بدايتنا لهذا اللقاء اود ان اطرح لكي شيئا بداخلي
لماذا لا تغيري اسمك من ام السعف والليف الا اسمك الشخصي يعني ام فلاناو ام فلانه


بصراحه فكرت بهالامر بس ماحبيتها مو عن شيء بس حبيت اسم ام السعف بالذات ان فيه زميله عزيزة على قلبي ايام الجامعة كانت تقولي يا ام السعف وعلشان اتذكرها حبيت احط اسمي ام السعف لا اكثر ولا اقل


من خلال الصور التي في اللبومك الخاص عرفت انك من محبي البر
انتي تشتاقين للبر وهل تحتاجين الخروج للبر من فتره لفتره او انها مجرد تسليه فقط

البر احسه في دمي حتى لو سافرت برى مافيه زي بر الرياض هم اخضر وحنا اشهب يعني له ميزه بالذات بالليل وحولك الحطب تحس بجو رائع واسئل ابو سالم عنه :big0grin:


نحن تعرفنا على ام السعف والليف بين صفحاتنا قبل ان انشر الدعوات والاعلانات لهذا الصرح
اريد ان نعرف كيف تعرفتي على موقعنا
وخاصة انه كان المنتدى نائما نوما شديدا الا اني اشاهد اصرارك للمتابعه والمشاركه لوحدك او مع شخص اخر فقط دون وجود تفاعل نهائي
ماهو الدافع في اصرارك لوجودك في المنتدى وقت خموله


كانت زميلتي من المشاركات بالمنتدى وعرضت علي الاشتراك بالمنتدى وكانت من عشاقه وصارت لها ظروف وطلعت من المنتدى ماخبرتني فيها يعني لاحد يسئلني من هي لانها محلفتني ولاحد يسئلني وش الاسباب لانها ماقالت لي وهي الحين الله يسهل عليها تزوجت وعن قريب بيرزقها الله باول بيبي لها
وهي اللي عرفتني عليه وتركت فترة طويله لظروف خاصة ثم قلت خلني اطل عليهم واشوف وش سالفتهم حصلت منتدى نايم بمعنى الكلمة ساعات انا ارد على نفسي بالبدايه استانست لاني العب على حالي واسليها ووراعيني مخليتهم يحوسون ويدسون فيه ثم شوي شوي بديت اشوف اعضاء منهم الجوري وابو سالم والجنان وبدون اسم هذا اللي كنت اتذكر بذاك الوقت وكنت ارسل للجنان اقوله ليه تدفع بمنتدى نايم كنت ارحمه صرفيه على غير سنع ومع الوقت اشوف المنتدى بدأ ينشط ويحييى مو اللي مع سنوات الضياع:big0grin: لا يعني ينتعش والحمد لله


ما رايك بالتغيير ان طرأ على الموقع واختيار اسم ادم وحواء
من جد تطور رهيب ورائع والله يوفقك وعساك على القوه والاسم تبي الصدق احسه عادي لان مافيه اكشن
<<<< تحب الاسماء الرنانه
وما رايك بالتصميم

رائع بالمره ماشاء الله بارك الله ويعجبني اللون الموف واحس اني اعشقه

هل تؤيدي الفتاه التي تفضل الوظيفه على الزوج
في زمنا هذا الوظيفه صارت اساسية بس مو على حساب عمر البنت وزواجها انا تزوجت وكملت دراستي وتوظفت ولله الحمد والمنه واعتقد ان الزواج ماهو عائق لا للدراسة ولا للوظيفه بس يكون الشخص اللي قدامك يعني الزوج متفاهم ويشجع

كيف تنظرين لأبناء ادم في عصرنا هذا
صعب احكم عليهم كلهم انا اشوف شباب مغير يلاحقون الموضه باي شكل سواء هالموضوع زينه والا شينه اهم شيء يقلد فلان وعلان وفيه شباب ماشاء الله بارك الله ونعم تحطهم على يمناك المشكله ان احنا طبقات متعدده وثقافات متعدده وتبي احكم عليهم شوي صعبه
ماقول الا الله يصلح حالهم ويوفقهم
وهل فيه فروق بين عصرنا والعصر الماضي
اكيد فيه فروق وفروق كبيره جدتي وهي تكلمني عن ايام اول احس كلامها درر عن البساطه عن الغنام شلون ترعاهم وكيف تسوي اللبن وتطلع الزبده تحسها تجربه روعه
الحين لا يحكمنا برستيج لاتقولين هالكلمة تهز من مكانتك لاتسوين كذا الاكل بمواعيد الشرب بمواعيد النوم بمواعيد الزيارات بمواعيد
احس بالمنتدى اطلع اللي بقلبي كله ودي اصير جدتي.


اريدك ان تعطيني ماهي الاسباب التي تجعل الفتاه تعشق فتاه اخرى
ارجوا ان تشرحي لنا الاسباب بالكامل في ظل كثرة الشذوذ بين الفتيات


يمكن ان البنت تعشق البنت الثانية لاسباب داخليه ضغوط بالبيت تحاول تظهر حبها لاخرى وتصير تهتم في اكلها شربها نومها وبما ان العلاقه قدام الاهل عاديه وماراح يشكون فيها بعكس لو كانت علاقتها بشاب راح تشتعل النار والبنت لو خشت عند زميلتها بغرفه النوم ماراح احد يفكر ان بينهم شيء مو كويس
هذي وجهة نظر

وماهو دور الأم عندما تعلم ان ابنتها تعشق فتاه وتحب الشذوذ
بصراحه اولا الله يكون بعونها
كيف ترشدها للطريق الصحيح
يقول علي رضي الله عنه ( ربو ابناءكم على غير جيلكم)
والمفروض الام تنزل لمستوى بنتها ولاتجلس تقول حنا اهلنا ماكانو يخلونا لان الوقت اليوم غير امس وكل يوم نشوف شيء جديد وكل ام ياريت تكون صديقه لبنتها ومايكون فيه شيء مخبى حتى لو كان خطاء تحاول تفهمها من غير ماتقطع الحبل بينها وبين بنتها .


فتاه في السن 14 او 15 هل تؤيدين اعطاءها الثقه في التعامل مع الاخرين وفي تصرفاتها او عدم متابعتها متابعه دائمه
اعتقد ان السن هذا المفروض تكون فيه ثقه لان البنت تبدأ تبني شخصيتها اذا خليت شخصيتها ضعيفه وماني واثقه فيها كيف راح تعيش مع الناس وكيف راح تواجه المجتمع هي مقدمه على مرحله ثانوية وجامعية وسوف ترى فئات من المجتمع واذا ماعطيتها الامان تتوقع غيري راح يعطيها صح او احسن مني كأم .



وماهو السن بنظرك الذي يعطي الفتاه شيئا من الثقه



من سن الرابعه المفروض ابدأ انمي الثقه في انفسهم اذا مو قبل .


مارأيك بالدكتوره فوزيه الدريع


ماشوف تلفزيون كثير وماني من المتابعين لها

ما رأيك في برنامج كلام نواعم في قناة mbc

ماشوف التلفزيون كثير نادراً ماطالع شيء

ماهي البرامج التلفزيونية التي تفضلينها

ماتابع شيء ولله الحمد والمنه




في نهاية لقاءنا نود ان نتعرف على هذه المسألة

انتي والجوري وابو سالم بزورق داخل البحر ولابد ان ترمي واحد لكي لا يغرق الزورق
من تضحي به في هذه اللحظه وترميه في البحر
مع العلم ان ابو سالم لا يعرف السباحه



تبي الصدق برمي نفسي واخليهم مع بعض لانهم كلهم عزيزين على قلبي ومابي اخسرهم

وبالنهاية اشكرك من كل قلبي واتمنى اني ماكنت ثقيله دم وطينه على قلوبكم
وعساكم على القوه

اختكم ام السعف والليف

[ابوسالم]

تبي الصدق برمي نفسي واخليهم مع بعض لانهم كلهم عزيزين على قلبي ومابي اخسرهم



اختكم ام السعف والليف

الله يسلمك هذا من طيبك وطيب اهلك مو غريبه عليك

بس انا والجوري مانصلح نكون على المركب لحالنا لازم يكون فيه محرم

علشان كذا انا بطش الجوري وراك (عيب رجل مع مره عيب )

هههههههههههههههههههههههههههههههه


موظفة بوظيفه شوي حساسة ولله الحمد والمنه .
اقول الظاهر انكم ماراح تشوفون اليومين هاذي ويكن الى الابد باالمنتدى


ردووود جميله اختي ام السعف وصريحه بعد الف شكر على

اللقاء المثير

[ام السعف والليف]

الله يسلمك هذا من طيبك وطيب اهلك مو غريبه عليك
ماعليك زود اخوي ابو سالم

بس انا والجوري مانصلح نكون على المركب لحالنا لازم يكون فيه محرم

علشان كذا انا بطش الجوري وراك (عيب رجل مع مره عيب )

هههههههههههههههههههههههههههههههه


هههههههههههههههههههههههههاي ابو سالم لازم تخربها
على الاقل ارم نفسك وخل جوري قلبو وراها عيال

موظفة بوظيفه شوي حساسة ولله الحمد والمنه .
اقول الظاهر انكم ماراح تشوفون اليومين هاذي ويكن الى الابد باالمنتدى





تراني مو دبوس لايروح فكرك بعيد بس مجالها شوي حساس
ردووود جميله اختي ام السعف وصريحه بعد الف شكر على

اللقاء المثير

الله يسلمك اخوي ابو سالم ومرورك كان اجمل وان شاء الله ماكنت ثقيله عليكم
والعفو ماسوينا شيء وعساك على القوه

[¤®§¦ هاجس ¦§®¤]

لقاء حلو بالمره

وردود مافيه احلا منها

بس غريبه ليه ماتتابعين التلفزيون ..؟

يعني فيه مانع يمنعك والا ماهضمتيه :eh_s(10):


بعدين تعالي كم عمر بنتك عندي ولد ناشب بحلقي يبي يعرس

ترا عاد هذا ولد هاجس مو اي ولد هههههههههه:wacko:

[ابوسالم]

لا ماأقدر اقط نفسي لان المركب انا الي مستأجره وراح يكون

دين علي اما عيال الجوري بحطهم بعيوووني

هههههههههههههههه


هويجس الله يخليلك ولدك نبيك تزل صووورته بالمنتدى وبعدين هو وش اسمه

[الجــــــوري]

ههههههههههههههه عجبتني يابو سالم لازم محرم وعشان هالشي تبي تقطني
لا يبا اذا مو عاجبك قط عمرك انا وراي عيال يبوني




سعوووووووووووفة فديتك يالغلا فعلا لقااء حلووو مثلك يالغاليه
عجبتني ردودك واااايد الله يخلي لك عيالك وتشوفينهم معاريس
وتشوفين بنوتك احلى عروسة يااااااارب والله يوفقك في حياتك



تحياااااااتي

[¤®§¦ هاجس ¦§®¤]

ههههههههههههههههههههه

ابو سالم وين تبيني انزلها وبعدين انت عندك بنت والا بس كذا لقافه هههههههههههههههه

اذا وافقت سعووفه نزوجهم هي تحط صورة البنت وانا احط الولد ونسوي هنا عرس ههههههههه شرايكم

[ام السعف والليف]

لقاء حلو بالمره


وردود مافيه احلا منها

الله يحلي ايامك خيو هاجس


بس غريبه ليه ماتتابعين التلفزيون ..؟
يعني فيه مانع يمنعك والا ماهضمتيه :eh_s(10):

مالغريب الا الشيطان بس احاول ادور شيء يفيدني والتلفزيون ملهي اكثر من انه مفيد اشوف بعض المحاضرات فيه للعريفي والقرني والعوده وكنت اتابع مسلسل بعد العيد اتوقع ام البنات عصبني وقلت وليه اتعب حالي واكثر اللي بالتلفزيون مسلسلات تركيه احس العالم جتها تخمه من هالمسلسلات
بقولك سالفة قريبه لي مره كنت نايمه عندها وطبعا هي مترأسه المجلس ومعها الرموت كنترول وتسولف الله يجزاها الجنه وتقلب من قناة لقناة وكلها مسلسلات تركيه الظهر اعاده العصر الحلقة الاساسية الساعة وحده بالليل الاعاده قلت بالله عليكم مازهقتو الله يرحم والديكم حطو لي على سبيس تون احس تشبعت قلت الحمد لله انها زياره مو جلسه على طول



بعدين تعالي كم عمر بنتك عندي ولد ناشب بحلقي يبي يعرس


ترا عاد هذا ولد هاجس مو اي ولد هههههههههه:wacko:


ههههههههههههههههههاي بنتي تقريبا عمرها سنتين ونص قريب الثالثه
الله يعافيك كم عمر ولدك هاللي طالب العرس
وابشر بعزك خذها من الحين كان تبي ونتشرف وانا اختك بس ياويلك تعلمها تقول امك ام السعف والليف

[ام السعف والليف]

لا ماأقدر اقط نفسي لان المركب انا الي مستأجره وراح يكون

دين علي اما عيال الجوري بحطهم بعيوووني

لاتخاف ابو سالم بنسدد عنك الدين لاتحط اعذار والعيال محتاجين لامهم اكثر

[ام السعف والليف]

ههههههههههههههه عجبتني يابو سالم لازم محرم وعشان هالشي تبي تقطني
لا يبا اذا مو عاجبك قط عمرك انا وراي عيال يبوني

جوري قلبو ماعليك منه بخرم القارب وانا بوديك معي سباحه بأمن نفسي





سعوووووووووووفة فديتك يالغلا فعلا لقااء حلووو مثلك يالغاليه
عجبتني ردودك واااايد الله يخلي لك عيالك وتشوفينهم معاريس
وتشوفين بنوتك احلى عروسة يااااااارب والله يوفقك في حياتك


الله يسلمك ويخليك جوري وان شاء الله راح اعزمك على زواجهم ان الله عطانا عمر خلك ماتجين اقوم عليك حق

[ام السعف والليف]

هههههههههههههههههههههابو سالم وين تبيني انزلها وبعدين انت عندك بنت والا بس كذا لقافه هههههههههههههههه

ماعليك منه شكله يبي يعرس على البونية



اذا وافقت سعووفه نزوجهم هي تحط صورة البنت وانا احط الولد ونسوي هنا عرس ههههههههه شرايكم

خلاص ماعليه بس ترى لنا شروط
بنت متربيه على العز نبي لها شغاله وطباخه وسواق وبيت لحاله علشان ماتناشبونها ببيتها تجي انت ومرتك وتغثونها
وكل سنه يسفرها معنا واذا يبون يروحون لحالهم مايخالف بس اهم شيء تغير جو
<<<< نحشت المعرس

[SaLy]

سعوووفة حلو كتير اللقاء بجد استمتعت معك كتير :eh_s(7):

الله يخليلك ولادك ويسعدك انتي وحبيب القلب :rolleyes: يارب
سعوفة ابن هاجس كتيير حلو يؤبرني شو لزوز
بس مابنصحك تعطي بنتك لابن هاجس اسأليني الي نسونجي و بحب البنات:secret:<< حاجزتو لبنتا :closedeyes:

[محشش]

يا هووووووووووووووه فله والله

ام السعفه واله والف نعم

بصراحه فنتاستك أوي أوي أوي


لقاء شيء شيء بمعنى الكلمه

طيب يا ام السعفه ليش مفتشتي
وانتي باللقاء لابسه هالنقاب لوووووووووووووول


<<<<<<<<<<<<< ناوي يقزززز

[ام السعف والليف]

سعوووفة حلو كتير اللقاء بجد استمتعت معك كتير :eh_s(7):
يحلي ايامك سالو ويسعدك يارب

الله يخليلك ولادك ويسعدك انتي وحبيب القلب :rolleyes: يارب
اللهم امين ويجزاك خير وعقبال مايجيك حبيب القلب ويرزقك الله بالذريه الصالحه وتصيرين تتمشين معهم بالمنتدى
سعوفة ابن هاجس كتيير حلو يؤبرني شو لزوز
امممممممممم حلو اجل نتوكل على الله ونوافق

بس مابنصحك تعطي بنتك لابن هاجس اسأليني الي نسونجي و بحب البنات:secret:<< حاجزتو لبنتا :closedeyes:

لاتخافين قلبو الشرع حلله اربع بس بنتي راح تكون الاوله واذا شاف منها قصور الله يوفقه بالثانية بس بنتي نشبه بحلقه لوووووووووووول
<<<< ماراح تخلي لبنت سالو فرصه

[ام السعف والليف]

يا هووووووووووووووه فله والله
انت الفله الا بسئلك محشش متى ان شاء الله راح تصحى احس قبلك فالها :big0grin:

ام السعفه والله والف نعم
والنعم بحالك ماعليك زود


بصراحه فنتاستك أوي أوي أوي


لقاء شيء شيء بمعنى الكلمه


الله يخليك وعقبال مانشوف المقابله معك اتوقع بتصير انواع التحشيش :big0grin:


طيب يا ام السعفه ليش مفتشتي
وانتي باللقاء لابسه هالنقاب لوووووووووووووول


<<<<<<<<<<<<< ناوي يقزززز

اولا مالبس نقاب لاني البس برقع رمز الاصاله لوووووول
ثانيا قزز بعيد وانا اختك وراي راجل قد الدنيا يسوى قبيله اخاف يذبحك ويشرب من دمك بعد

[بدون اسم]

لا لا..

سعوفه انتي طلبتي يد ولد هاجس لبنتك

يعني المفروض هو يحط شروطو

بنتك تجيبلو خدامة وسواق ويسافروا على حساب بنتك

بس ما اتوقع يطلب هدا كلو .. انا اعرف ولد هاجس , مرة طيب وما يحب الاشياء دي


هع هع

[aljenaan]

اشكر اختنا العزيزه والفاضله ام السعف والليف
على تلبيتها لهذا اللقاء الذي تميز بحضورها واجاباتها الرائعه
ومن دون ما تقولي اسم اللي بلغك عن المنتدى انا عرفته وتأكدت منه وحياك الله انتي واللي عطاك موقعنا



واشكر اخواننا المتابعين لهذا اللقاء ومشاركتهم التي زادت في جمال هذا اللقاء


في انتظار اللقاء الذي سوف يجمع اختنا الجوري مع شبكة ادم وحواء

[ام السعف والليف]

لا لا..

سعوفه انتي طلبتي يد ولد هاجس لبنتك

يعني المفروض هو يحط شروطو

بنتك تجيبلو خدامة وسواق ويسافروا على حساب بنتك

بس ما اتوقع يطلب هدا كلو .. انا اعرف ولد هاجس , مرة طيب وما يحب الاشياء دي


هع هع

بدون يامال العافيه انا اللي طلبت هو اللي طلب يزوج ولده لبنتي وانا بتشرط على كيفي ماخبرت الولد يتشرط غير يقول ابيها بيضاء وطويله وغيره ابد مافيه امل

بعدين السواق والخدامه تبشر بعزها اروحها معها عانية من ممتها الحلوه الجميله

<<<< ماتعاني نفسها لووووووووووول

[ام السعف والليف]

اشكر اختنا العزيزه والفاضله ام السعف والليف
على تلبيتها لهذا اللقاء الذي تميز بحضورها واجاباتها الرائعه

العفو اخوي الجنان وحياك الله
وان شاء الله اكون عند حسن الظن
ومن دون ما تقولي اسم اللي بلغك عن المنتدى انا عرفته وتأكدت منه وحياك الله انتي واللي عطاك موقعنا
لاهين ماعرفتها ولا راح تجي ببالك ابد
وعلى العموم حتى لو عرفت عادي ماتفرق



واشكر اخواننا المتابعين لهذا اللقاء ومشاركتهم التي زادت في جمال هذا اللقاء
وانا بعد اشكرهم معك وحياكم الله جميعا




في انتظار اللقاء الذي سوف يجمع اختنا الجوري مع شبكة ادم وحواء


فله بصراحه :wooow::wooow::wooow::banana::banana::banana:

جوري ياجوري يالله ياجوري :wooow::wooow::wooow::banana::banana::banana: