طريقة دمج الصور بالفوتوشوب

[عذبة الصوت]

السلام عليكم ورحمة الله وبركاته
هذا شرح لطريقة دمج الصور بالفتوشوب
وانشالله يكون الشرح سهل واقدر اوصله لكم
الطريقه الاولى :
افتح البرنامج طبعا واضغط على الفراغ الي موضح بالسهم ضغطتين
واختار الصوره الي تبيها وكرر العمليه نفسها واختار صوره ثانيه الي تبي تدمجها
http://hgeer8.jeeran.com/01.bmp

الثانيه :
اللحين يلزمنا نصغر الصوره الثانيه وهذا يصير بالضغط على ايطارها
بالماوس الايمن وتختار الاختيار الثاني وهو lmage Size
http://hgeer8.jeeran.com/03.bmp

الثالثه:
بيطلعلك مربع للحجم الي يهمك فيه اول رقم الي هو Width
اختر رقم اصغر وبعدين ok
http://hgeer8.jeeran.com/04.bmp

الرابعه:
اللحين يلزمنا ناخذ من الصوره الثانيه الحاجه الي نبيها وهذا يصير
بالضغط على اول اختيار من الايقونات الي على شمالك تلقاها على شكل مربع
اضغط عليه ورح للصوره وحدد الي تبيه منها
http://hgeer8.jeeran.com/05.bmp

الخامسه :
طريقة نسخ الحاجه الي حددناها اضغط على Edit وبعدين اختار نسخ الي هو Copy
وللصق اضغط على Edit واختار لصق وهو paste
http://hgeer8.jeeran.com/06.bmp

السادسه :
اللحين يلزمنا نحرك الصوره ونحطها بالمكان المناسب لها
وهذا يصير بالضغط على ثاني اختيار من الايقونات على الشمال
تلقاه على يمين المربع رح وحركها
http://hgeer8.jeeran.com/07.bmp

السابعه :
تشوف الصوره اللحين جت بالمكان الي نبيه بس جايه كأنها راكبه مو مدموجه
لدمجها تشوف تحت عندك الستايل الي اسمه Normal اضغط على السهم حقه
واختر منه Screen
http://hgeer8.jeeran.com/08.bmp

الثامنه :
اللحين الصوره اندمجت بس باقي نشيل الحدود حقتها وهذا يصير
بالضغط على حاجه يسمونها البخاخ وتلقاه على شكل قلم بالايقونات
الي على الشمال تلقاها رابع ايقونه تحت المربع اضغط عليه وشيل حدود الصوره الثانيه
http://hgeer8.jeeran.com/09.bmp

التاسعه والاخيره:
يمكن تشوف ان الصوره اختفت شوي لما استعملت البخاخ علشان تبينها
تشوف عندك بالستايل تحت اضغط على الستايل الي تحت ضغطه وحده بالماوس
ورح للصوره واضغط على المكان الي اختفى علشان يوضح وبعدين روح للحفظ واحفظ التصميم
وبكذا نكون خلصنا من الدمج والشرح وانشالله يكون الشرح واضح
وانتظر منكم اي سؤال على الشرح
اختكم
عذبة الصوت
http://hgeer8.jeeran.com/10.bmp

[ورد جوري]

يعطيكِ الف عافيه علي مجهودكِ

لكِ باقة جورية من كل بستان ..

ولكِ وافر الود وصفوه ،،

..

.....ودمتي بخير.....