ماعادت ايام العمر مثل ماهي

[برنس الاحزان]

السلام عليكم
حبيت اشارك وانشاء الله انها تعجبكم القصيده هذي :o

ما عادت ايام العمر مثل ماهي @@ ماعادوا احبابي مثل .. اول احباب
وماعادني ذاك النحيل المراهي @@ اللي امتلى ليله..تناهيت واعتاب
ماعاد يلفت في الزحام انتباهي @@ لانظرة اعيون.. ولاكلمة اعجاب
مادام غابت شمس..والحزن راهي @@ وماتت اقلوب.. وكشر الوقت لي ناب
سرقني الظل البعيد.. المواهي @@ على الدروب اللي تضوت.. بغياب
اصرخ وصرخاتي..مداها شفاهي @@ وابكي ودمعاتي.. على حد الاهداب
اواه..يادنيا العطش والتماهي @@ لا خانت الغيمه..ثرى جذع واتراب
هذا الزمن.. كله غياب وتناهي @@ هذي الحياة افراق خلان وغياب
هذي سنيني سود..والعذر..واهي @@ لاقلت وين اصحابي..وخانوا اصحاب
ياهي الحياة بدون لقياك..ياهي @@ لحظات جردى.. لبست احزاني اثياب



وسلامتكم ;)


تحياتي لكم يا احلى ناس في احلى جنان


اخوكم
برنس الاحزان;)

[aljenaan]

صـــــــح لسانك اخوي


والله يجعل ايامك كلها فرح وسرور



ومشكور على المشاركه

لك تحيات الجنــــان

[عاشقهــــا]

صح لسانك اخوي برنس الاحزان


اواه..يادنيا العطش والتماهي @@ لا خانت الغيمه..ثرى جذع واتراب


مع الشكر

[غريب الدار]

اصرخ وصرخاتي..مداها شفاهي @@ وابكي ودمعاتي.. على حد الاهداب
اواه..يادنيا العطش والتماهي @@ لا خانت الغيمه..ثرى جذع واتراب


يعطيك العافيه

ومني لكــــ احلـى شكــــر