لماذا تغير مجتمعنا السعودي

[xox]

بسم الله الرحمن الرحيم

السلام عليكم و رحمة الله و بركاته




لدي سؤال حيرني




لماذا تغير مجتمعنا السعودي و أنتكس هذه الانتكاسه الكبيرة؟؟

هل لأننا أردنا تغييره للأبعد عن الدين و الخلق ؟؟




لماذا لم تعد هناك غيرة على بنات المسلمين كالسابق ؟؟


لماذا بدأ التضييق على رجال الهيئة ؟؟


لماذا لماذا


لقد ماتت القلوب و ذهب العلماء البينيون بل و قد مات معظم أجدادنا الاولون


لماذا نات مجدنا بين الامم نعم إنه السبب إنه الخنا و الدعارة في يلاد لم تعرف هذا الشي قبل 5 سنين فقط


لماذا يابلدي لماذا





؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[¤®§¦ هاجس ¦§®¤]

مرحبا

موضوعك حلو

لربك حكمه

وبالنسبه عن السبب اتوقع

لدخول الغرب مجتمعنا وبيوتنا وقدرو يأثرون علينا

اسأل الله ان يكفينا شرهم الاكبر

والله يجزاك كل خير على الموضوع

[ساهر]

كلام جداً سليم أخوي

وعلى قولتة العلمانين والناس المتخلفه هذا التقدم


ما اقول الا حسبي الله على الظالم


الله يثبتنا على طاعته يارب العالمين

[قانص الغزلان]

مرحبا أخوي الغالي
اقدر اسميــك الشجــاع اللي قدرت تطــرح الفكـره والموضوع هذا على الملأ بمنتدى كبير زي منتدى الجنــان

بس أنا أقولك وش اللي حاصل بالتسلسل والتفصيل الممل
ترا هذا رأي يحتمل الصواب والخطأ .. ورأيي يعبر عن شخصي انا فقط لا غير

تذكرون قبل عشر أو 15 سنة وش اللي كان صاير..؟

تذكرون رجال الديـن كانوا يطلعون على السطوح ومعهم ساكتون (بندقيه) ويرمون الدشوش ويقولون حرام وفضيحة ويسمونه بيناتهم (المفسد الاكبر) وش كانوا الناس يسوون ..؟
1 .. يشكونهم على الشرطـه
2 .. يسبونهم بالمجالس ويقولون (تخلــف)
3 .. يضحكون عليهم وعلى (تخلفهم)

انا من ضمن الناس اللي كانت تقول الدش مافيه شي وفيه الخير والشر وفيه أخبار وافلام و كل هذي مافيها عيب ..لاني كنت افكر ان الناس مثلي اعرف سلوم وعادات اهلي ومحافظ عليها واستانس على الفلام والمسلسلات واضحك عليها وادري انهم كفار ولا علي منهم بس المشكلة مو هنا
المشكلة ان الجيــل الجديــد الصغــار اللي تربــوا وهم يتابعون الاشياء هذي وصارت زي المربي لهم .. الاب مشغول بالصباح بالدوام والظهر نوم والعصر يقضي اشغاله و بالليل هالوقت القليل اللي الاطفال يحلون فيه واجباتهم المدرسيه يرجع للبيت هذا اذا ماراح لاصدقائه وجلس معهم.
مافيه غير الام هي اللي جالسه عندهم ومعروف ان الام مغلوب على امرها بالمجتمع السعودي الاب يقول كلمة تمشي عليها قالها عادي خليهم عنده جلسوا عنده هي تحسبه شي عادي..؟ وهو بالواقع البلا والجلا

شي ثاني بالدش هو إنه قبل كنا نشوف المسلسلات المدبلجه والافلام ..الخ ونقول كفار و هذا عند الغرب عادي وعندنا لا .. بس الحين نشوف الخليجيين يطلعون وبنات العرب يطلعن بالتلفزيون لابسه low-west والا لابسه كت ومسويه كوول والا الخليجي طالع لك ببرنامج والناس تصوت له وهو الشي الواحد اللي بارع فيه (يهز وسطه) بالله وش ترجي من بنات والا شباب الجيل هذا؟

طيب ماعجبكم اللي قلت اجيب لكم شيئ ثاني:

سمعتوا عن اللي كان حاصل قبل تقريبا عشرين سنة السفرات اللي كانت حاصله لتايلاند و لبانكوك والسعوديين وش كانوا يسوون هناك؟
يتعبدون؟ ما اظنه والله .. والرسول صلى الله عليه وسلم قال ( من زنا يزنى به ولو بجدار داره)
و صدق من قال :
عفوا تعف نساؤكم في المحرم .. وتجنبوا ما لايليق بمسلم

إن الزنا دين إذا استقرضته .. كان الوفاء من أهل بيتك فاعلم

يا هاتكا حرم الرجال وقاطعـا .. سبل المودة عشت غير مكرم

لو كنت حرا من سلالة ماجـد .. ماكنت هتاكا لحرمة مسلم

من يزني في قوم بالفي درهم .. في أهله يزنى بربع الدرهم

من يزن يزنى به ولو بجدار داره .. فكن لبيبا ياهذا فافهم

أخي الكريم غالب الناس كانوا يسبون هيئه الامر بالمعروف والنهي عن المنكر وحنا ما نعفسي الهيئه من المسؤوليه كانت لها اغلاط فادحة بس بالمقابل كانت لها ايجابيات اكبر واكبر من اللي نشوفه بس وش نقول؟
ما نقول الا الناس مايشوفون الا الشين ويتركون الزين .. و نقول الشر يعم والخير يخص
الحين الواحد اذا قال هيئه ما يطري بباله الا التهكم و يقولون يطاردون الناس ويمسكونهم بغير حق ...الخ
اخوي ما يقول كانوا ماسكين الديرة مايقول انهم يردون الشباب الفاسد وينصحونهم ويعاقبونهم ويحفضون الدين والشرف بالمجمعات
مايقول ان الهيئه تكتشف من قضايا المخدرات وتسوي مداهمات على تجار مخدرات أكبر بضعفين من مكافحة المخدرات
الهيئه ليه قفلوا عليها..؟
أول شي الزمان هذا مو زمان الدين ولا زمان العفة هذا زمان العلمانيه و (التفتح الخليع) اقول التفتح الخليع ليش؟ لان الدين الاسلامي يدعوا الى التفتح لكن بضوابط

يعلم ربي اللي خلقني و احسن بخلقي اني دخلت بنقاشات بمنتديات كثيرة مع بنات من ناحية قيادة المرأه للسيارة أو الحجاب الشرعي او الفساد بمجتمعنا او او او .. الخ
كانت وش الكلمة المشهورة اللي دايم اسمعها ( أنت متخلف) يعني صار الواحد اللي ماسك دينه وعادات اهله وسلومهم متخلف.
يا اخي من اللي حط الفكرة هذي ببنات ديرتنا من اللي خلاهم يفكرون كذا؟
اخوي شف اللي حاصل بقناة ستار اكادمي شف اللي حاصل بقناة الديرة بالقنوات المشهورة شف وش اللي حاصل..؟ تصويت واضاعة مال السلمين على شي تافه مخالف للدين نرجع نقول التربية (اقصد الدش اللي رباهم على كذا).

البنات بطبعهم قليلات عقل و اي بنت تقول الكلام هذا انها مهما وصلت من علم يبقى قلبها يسيطر عليها و الشباب بالجيل الجديد زي النار تاكل الاخضر واليابس ماهمهم بنت مسلمين بنت عايلة بنت حموله بالعكس اذا كانت بنت حموله تلقاه بوسط الاستراحه والشقه يفتخر يقول بنت الفلان تكلمني على الجوال والا طالعه معاي

طيب بناء على اللي قلته قبل شوي ( ان البنت ناقصة عقل وقليها يسيطر عليها) ليش تعطى ثقه مطلقــه؟ اخوي انت شايف اللي نشوفه أكيد بنات يسرحون ويمرحون بالتحلية والعليا بالليل واهلهم ما يدرون عنهم..؟ انا والله اول ماشوف البنت هذي اقول اهلها وينهم عنها..؟ ما اقول ان البنت تحجر بالبيت ولا تطلع او نحرمها من الثقه .. لا بالعكس البنات هذولي بناتنا وخواتنا ولازم نثق فيهم بس ثقه بحدود يعني يبقى العيب عيب ما نسويــه .. والحرام حرام ما نسويــه
من متى البنت تطلع لحالها مع واحد اجنبي ( السواق) بأي عادات بأي تقاليد بأي دين؟
يقولون الركوب مع السواق حلال هو حلال صح بشرط ( للحاجه القصوى) بالله الحين روحتها تتمشى والا تشتري كوب كوفي هذي حاجه قصوى؟ بتموت اذا ما شربت كوفي من ستار بوكس اللي بالعليــا؟

ما اقتنعت باللي قلته اجيب لك شي ثاني
(ما أعمم على البنات فيه منهم الزين والشين ويختلفون عن بعض) << عشان محد يزعل علي :)
النت هذا اللي نستخدمه حنا الحين تراه أحد الاسباب
تلقا البنت تدخل المنتدى و تتعرف على مدير المنتدى او مشرف او عضو و بدايتها مقال منه اعجبها. انسان محترم. انسان مثقف. بعدين رسائل خاصة بعدين ماسنجر بعدين جوال بعدين ...الخ.
او التشات. سوالفه حلوه يضحّك مو ثقيل دم متفتح بدايتها بالعام بعدين بالخاص بعدين بالماسنجر ... الخ الحلقه المفرغه


شي ثاني الاعلام. تذكرون ذيك السعوديه اللي طاروا فيها الناس (أول فارسه سعوديه) مستانسين ان البنت تطلع و تركب حصان قدام الله خلقه وتسابق فيه؟
هههههههههههههههه اقسم بالله شر البلية ما يضحك

بالقابل في عالمه فيزياء سعوديه اضصهدها الاعلام العربي والخليجي وهي الدكتورة ريم الطويرقي

آخر شي أقوله مثل قديم دايم اسمعه من شيباننا ( يالله نج راسي ياماعلي من الخلاصي)
معناه .. يالله نجني لما نفتك من هالازمــه.
شي ثاني اذا كنت تخاف ربك وتثق بربك ولا تسوي حرام نم قرير العين وارتاح بس بالمقابل لا تصير غافــل



آسف على الاطالـــــــــه
تقبل تحياتي

[xox]

أخي حديث لا يعلى عليه و لا أعلم ما أقول فلقد وفيت و كلفيت


و لكن ألا تعتقدون معي أنه هناك بقي قسم من المجتمع محافظ


و هو أكثر من القسم (المتحضر)



و لذا فهم ليسوا ظاهرين في المجتمع بل لهم سكوت و لهم صمت غريــــــــــــب

[dodi_2007]

صح لسانك يا قانص الغزلان


المشكله .. انه في طبقه من المجتمع اللي جاها التطور بشكل سرييع .. ما عمرهم شافو اي شي من قبل ..
الطبقه هذه.. على طول طاحت في كل شي شافوه .. قلدو كل اللي في التلفزيون .. والانترنت والمجلات .. على بالهم ان هذا هو العصر الجديد .. هذا هو التطور .. ما درو ان اكثر المجتمعات الغربيه المحافظه .. واللي مرت في نفس هذه المرحله .. تحاول تغير الشي هذا .. تحاول تمنع غسيل المخ من شتى وسائل الاعلام .. وترجع للعادات القديمه .. البسيطه ..

بالنسبه لي انا في امريكا .. ابسالكم .. من اكثر الناس اللي مهتمين بالموضه والشكل و اخر التطورات في قصات الشعر .. ؟؟؟

الجواب هو بنات وشباب السعوديه .. ما قد شفت احد هنا في امريكا يلبس (يفصخ) زيهم .. والله اني احس لمن اشوفهم بالجامعه مقارنه مع الناس الثانيين انهم من الجنس الثالث .. قصات الشعر كانهم دجاج .. تشوف ملابسهم الداخليه من كثر ما الجنز متشقق ... عطور ولا كانك في عرس ..

اللي ذابحني .. واحد وزوجته .. سعوديين .. يبوسون بعض قدام الناس .. وهي طبعا لابسه اللي يستر القليل من جسمها ..ولا عليهم في احد .. في الصف .. في الممرات .. في المطعم ... في الاشاره .. هي تترقص اذا كان فيه احد مار بالسياره ومشغل اغاني .. وهو والله مو كانه سعودي مسلم ولا شي .. لا غيره .. لا حشيمه

ودي اكمل .. بس وش نقول ..


الله يستر على الجيل اللي بعده ..



دودي_2007

[xox]

و الله مشكلة

طيب لو تفكرون و يقولون هل هذا التطور هو السبب


يمكن

او غيره

الله يرحمنا برحمته

[عنود الصيد]

الله يعطيك العافية اخوي قانص الغزلان كفيت ووفيت
بصراحه كلام قمه في المنطق والعقل
الله يكثر من امثالك ويثبتنا ويعينا على انفسنا
اخوي اكس او ماشاء الله عليك مواضيعك قمة في الروعه
اخوي دودي هالطبقه اللي تقول عنها نسميه عندنا حديثي النعمه يحسب ان التطور هو انك تخلي دينك وراء وتلعب بيدينك ورجليك

الله يحفظنا ويحفظ بناتنا وشبابنا وكل مسلم ومسلمه

[بسمه]

وقفة تأمل على حالنا اليوم وحسره

[*الوفا*]

انالله وانا اليه راجعون

[xox]

عنود

بسمة

الوفا


شكراً على المرور


و الله يهدي الجميع